بعد ما أبهرتنا كلنا بالتغير بتاعها، أسما شريف منير عملت تحدي لخسارة الوزن في 30 يوم

الجسم الصحي مش مجرد حميات غذائية نستمر عليها شهرين ونزهق، ولكنه نظام حياة نمشي عليه طول حياتنا علشان نقدر فعلاً نوصل للجسم الصحي اللي بنحلم بيه. وأسما شريف منير عرفت ده وقررت تشجع الكل إنهم يمشوا في نفس الطريق، فبدأت بنفسها ونشرت صورة ليها قبل وبعد تظبيط أكلها، والفرق بصراحة كان كبير خصوصًا إن الفرق بين الصورتين 3 شهور بس.

View this post on Instagram

‎الصورة اللي علي اليمين اتصورتها امبارح يوم ٢. اكتوبر ٢٠٢٠ و مفيهاش Edit لجسمي خااااااالص ظبط بس الوان الصوره عشان تبان اما الصورة التانية اللي علي الشمال دي صورة واحده تعبانه، كسلانة و معندهاش إرادة و حركتها تقيله (كان عندكم حق تقولولي انتي حامل؟) و دي كانت من ٣ شهور بس تخيلوا. ‎ وقفت وقفة مع نفسي و قلت لأ مش هينفع الحياة دي خالص و المرة دي لازم تكون مختلفة، قررت اني مفيش حاجة اسمها دايت اصلاً و لا هينفع اتخن كده تاني… ‎دايت ده كلام فارغ هو اسلوب حياه و نظام.. هو مش أكل معين هو إني أكل و انا جعانه، بس بقي هاكل ايه؟ و قد إيه؟ و امتي؟ و أنام ازاي؟ و اتغلب علي الضغط النفسي ازاي؟! ‎ايه التحاليل اللي أعملها؟ و ايه العناصر اللي لازم أكلها؟ و ايه مصادرها؟ و اطبخها ازاي؟ و تطلع حلوة مش مسلوق و اكل مستشفيات، ‎المرة دي روحت ل دكتور شيري نبيل لاني بجد بعشقها و بثق فيها و احلي حاجه فيها صبرها عليا و متابعتها و دعمها ليا المستمر و قلتلها المرة دي بجد مع اني بقول كده كل مرة بس هي المرة دي فعلاً صدقت اني بتكلم بجد و فعلاً عملت البرنامج مع بلوم، مش بس اتفصل عليا ، لأ ده غيرلي عاداتي و إختياراتي و نظرتي و تعاملي مع الStress اللي في حياتي و بجد المرة دي هكمل ان شاء الله و مش هرجع تاني أبداً و عشان كدة أنا مكمله في التحدي و قلت اني لازم اساعد كل ست حست احساسي ده و اشجعكم و اكمل رحلتي معاكم هنقلكوا كل تفصيلة و كل تغير بعمله مش بس في الخسسان حتي شعري و بشرتي و كل روتيني من علي ال Youtube Channel ‎دكتور شيري بتموت في اللعب و لذيذه و واحده مننا كده و خدومة بشكل رهيب و لما شافت الڤيديو قالتلي تعاليلي المكتب قلت اكيد هتسخن معايا اصل انا عارفها ، و راحت قايلالي انا كمان هدلع كل الشطار معاكي و راحت عملالي عرض سخي جداً و مكنتش هعرف اعملوا لوحدي بما ان البرنامج ده لازم يبقي متفصل عشان يجيب نتيجه حلوه و تحسوا فعلاً بالفرق و يكون في دعم ليكم بشكل فردي فا هايعملوا نفس اللي عملوه معايا بالظبط معاكم انتوا عن طريق ‎‏📞 @bloom_diet كل تفاصيل المسابقة في الستوري و هسبها في الهاي لايت عشان ترجعوا ليها في اي وقت. بحبكم جداً مش قادرة استني يوم ١٥. علي فكرة ده لسه اول الدلع لسه بقي هديه اللي هيكسب ده غير الحاجات التانيه اللي تخص الشعر و البشره بس واحده واحده عشان متهوش من يلا اعملوا تاج لأصحابكم و شجعوا بعض و يلا بقي بجد نغير حياتنا في ٣٠ يوم بس

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer) on

إتكلمت أسماء عن إزاى قدرت تقوي من إرادتها وتلتزم مش بحمية غذائية ولكن بأكل معتدل تلتزم بيه مدى الحياة واللي هيحافظلها على جسم رشيق لأطول فترة ممكنة. مش بس كده لكن اتعلمت كمان إزاي تتعامل مع مشاعر معينة بتخلي الشخص يزود من أكله زي التوتر، وكيفية ضبطها، وبكده تتأكد إنها تبقى فاهمة طبيعة الجسم وأسباب زيادة الوزن علشان تتجنبها في المستقبل.

لجأت أسما لمساعدة أخصائية غذائية علشان تعملها نظام غذائي يناسب أسلوب حياتها وذوقها في الأكل ويساعدها تخسر وزن في وقت قصير ويشجعها إنها تستمر عليه. وكمان قررت إنها تشارك كل خطواتها في الرحلة دي مع متابعينها من خلال قناتها على اليوتيوب اللي هتسجل من خلالها كل التفاصيل والتغيرات اللي بتحصل مش بس في الجسم ولكن في بشرتها وشعرها اللي ناوية تهتم بيهم وتغذيهم أكتر. والهدف من مشاركة كل ده مع الناس هو تشجيع كل الستات اللي نفسها تخس وتمشي على نظام غذائي صحي، بس مش لاقيين اللي يحمسهم ويشجعهم على ده.

آخر كلمة: ناويين تشتركوا في تحدي الـ 30 يوم اللي عملته أسما؟

تعليقات
Loading...
Tweet
Share
Share
Pin