بتعانوا من الحر في الصيف؟ جمعنالكم نصائح للتعامل مع موجات الحر في الفترة دي

خلال الأسابيع القليلة اللي فاتت سجلت أغلب الدول العربية أعلي نسب في ارتفاع درجات الحرارة فيها، فمثلا وصلت درجة الحرارة في العاصمة العراقية بغداد ل٥١ درجة مئوية، و٥٣ درجة مئوية في مدية البصرة، وارتفعت درجة الحرارة في سوريا لتصل ل٤٦ درجة مئوية في دمشق، بالإضافة لدول الخليج المعروفين إنهم من أكثر الدول اللي بترتفع درجة الحرارة في الصيف. وعلشان نقدر نتغلب على حر الصيف الشديد، جمعنالكم خمس نصائح تقدر تساعدكم الفترة دي:

 شرب المياه بكثرة

المياه شئ أساسي في حياة الإنسان، بس لما تكون دراجات الحرارة عالية، لازم نزود من كميات المياه اللي بنشربها بمعدل٣ ليتر من المياه على الأقل يومياً. والكميات دي هتساعد في حمايتنا من الجفاف، وتعويض السوائل المفقوده من الجسم عند التعرق.

تجنب أكل البروتين

دكاترة التغذية بينصحوا بتقليل أكل البروتينات في الصيف، لأنها بتعمل علي رفع درجة حرارة الجسم. والسبب في ده هو إنه بعد عملية هضم البروتينات، بيفرز البروتين إنزيم بيتفاعل مع الجسم، وبيرفع من درجة حرارته.

تجنب الأسفلت والشوارع

مع ارتفاع دراجات االحرارة، حاول تتجنب الشوارع لأن الأسفلت والأسمنت من الأسطح اللي ليها القدرة علي امتصاص الحرارة وتخزينها، وبالتالي هتزود من إحساسك بالحر ورفع درجة حرارة جسمك.

تجنب الأعمال الشاقة والرياضة

بما إن ارتفاع دراجات الحرارة بيساهم بشكل كبير في رفع درجة حرارة جسم الإنسان، ممارسة الرياضة أو الأعمال الشاقة بتزود من عملية رفع درجة حرارة الجسم، وده ممكن يمثل خطورة علي صحة الإنسان. 

تجنب التعرض المباشر للشمس

حاول تتجنب إنك تخرج من البيت في أوقات الظهيرة، وتعامد الشمس. وفي حالة الخروج، حاول إنك تبتعد عن أشعة الشمس المباشرة، وتتحرك في الظل. 

أخر كلمة: لو عندك حيوان أليف، إحرص علي وجود مصدر مياه متاح له في مكان ظل وجيد التهوية.

تعليقات
Loading...
Tweet
Share
Share
Pin