انطلاق مهرجان “سماع الدولي” للإنشاد والموسيقى الروحية

بيقدم مهرجان سماع الدولي للإنشاد والموسيقى الروحية مجموعة من الحفلات الفنية في أماكن مختلفة في القاهرة ومن دول مختلفة في الفترة مابين 19 سبتمبر لحد 24 سبتمر في دورته الـ14، تحت شعار “رسالة سلام للعالم .. وملتقى الأديان” والأردن هي ضيف شرف المهرجان السنة دي.

هيشارك في المهرجان أكتر من 33 فرقة موسيقية منها فرق مصرية وفرق من السفارات الأجنبية اللي موجودة في مصر، وعلى مستوى الدول العربية هنشوف لبنان واليمن وفلسطين و في مشاركة خاصة من فرقة سورية مقيمة في مصر.

من ضمن الحفلات اللي هتتعمل في أسبوع مهرجان سماع، هتلاقي من سوريا “تواشيح” ومن مصر “أوصانا” ودول هيبقوا في القلعة، وفرق الأبرار وكورال البابا شنودة وفرق فلسطين في قبة الغوري، وفي ساحة الهناجر هيتعرض فرقة الحضرة وبنات حور وفقرة من فرنسا، وفي بيت السناري هيتعرض فرقة الروضة وكورال العائلة المقدسة وفرقة من الأردن.

وبيحتفلوا كمان في الدورة دي بالجمهورية التونسية لإن كان ليها تاريخ طويل من المشاركات في فاعليات الدورات السابقة، ده غير إنهم اختاروا شخصيات ليها قيمتها في مجال الإنشاد والموسيقى الروحية علشان يتكرموا منهم: الأب المطران كولاوديو من إيطاليا، والقارئ الشيخ أبو العينين من مصر.

المهرجان ده تحت رعاية وزارة الثقافة وبالتعاون مع وزارة الأثار والسياحة والهيئة العامة للتنشيط السياحي والبنك الأهلي المصري وبنك مصر ومؤسسة حوار وفنون ثقافات الشعوب.

أخر كلمة: ماتفوتوش قراءة: She Arts: أول مهرجان يتعمل على أرض مصر بيجمع إبداعات لفنانات من كل أنحاء العالم

تعليقات
Loading...
Tweet
Share
Share
Pin