قالت الفنانة آيتن عامر عن طريق حسابها على الفيسبوك، إنها بتتعرض للتهديد هن طريق رسايل على السوشيال ميديا، ولكنها مصرحتش عن محتوى رسائل التهديد ولا مين اللي بيبعتها، وأكتفت إنها ترد علنًا عليهم قدام ملايين المتابعين، وكانت لهجتها في الكلام مش بتوحي بأى خوف بل بالعكس، كان في قوة وثقة في بلدها وفي القانون المصري اللي بيقدر يجيب لأى حد حقه.
فكتبت آيتن عامر في البوست “هو أنتم مش قادرين تبعتولى رسايل التهديد من جوة مصر عشان عارفين إن ليها كبير وفيها قانون، فبتجيبوا أرقام من برة مصر تبعتولنا بيها رسايلكوا الهبلة دى! البلد دى بلد قانون واللى ماشي صح وليه حق حياخده لو كان عند مين، لا منصب بينفع ولا فلوس صوت الحق عالى ومسموع وحتى لو عرفتوا تسكتوا شوية ناس تمامهم فلوس فى ٤ مش هتقدروا عليهم.. وكله هيبان الحق هيظهر هيظهر .. اللى معاه ربنا بيمشي على المايه”.