الناس بتهاجم خالد الغندور على تويتر.. إيه السبب؟

مفيش يوم بيعدي علينا من غير تريند جديد، خناقة بقى أو تصريح لحد عن حد، أو حاجة حصلت عملت ضجة كبيرة، وإمبارح ظهر كالعادة تريند جديد على موقع تويتر، بعد تصريحات الإعلامي خالد الغندور في برنامجه “زملكاوي” اللي بيقدمه على قناة الزمالك، وكان بيتكلم فيها عن مباراة الزمالك وأسوان اللي كانت إمبارح وخلصت 0-0، واتكلم عن ظلم التحكيم للزمالك في الماتش، وإنه دا بيفيد الأهلي اللي بينافس هو والزمالك على بطولة الدوري، وده اللي خلى الجمهور على تويتر يطلع هاشتاج على تويتر يهاجم فيه الغندور.

مقدمة خالد الغندور ينفعل ويفتح النار على حكم وتقنية الفار لمبارة الزمالك اليوم "انتوا خايفين ومرعوبين ليه.. هتبوظوا الدوري المصري"

مقدمة خالد الغندور ينفعل ويفتح النار على حكم وتقنية الفار لمبارة الزمالك اليوم "انتوا خايفين ومرعوبين ليه.. هتبوظوا الدوري المصري"#زملكاوي

Posted by ‎Zamalek TV – قناة الزمالك‎ on Saturday, January 23, 2021

وغضبت الجماهير من طريقة كلام الغندور، وإنه كده عايز خناقة بين جماهير الأهلي والزمالك..

بس في نفس الوقت كان في جمهور دافع عن خالد الغندور، وإنه اتكلم بصراحة، وقال كل اللي هما عايزين يقولوه..

إحنا بنتمنى إن التعصب يقل بين الجماهير، وجمهور كل فريق يشجع ناديه من غير ما يغلط في جمهور الفريق التاني، ويبقى عندنا روح رياضية، ونتقبل فكرة إن فريقنا ممكن يخسر مش كل الماتشات هيكسبها.

آخر كلمة: ماتفوتوش قراءة: ضد التعصب والتنمر.. كل اللي حصل مع شيكابالا بعد ماتش الأهلي والزمالك.

تعليقات
Loading...
Tweet
Share
Share
Pin