المكسرات والأكل: إزاي ناكلها بشكل صحي وإيه هي أحسن طرق تخزينها؟

أغلبنا متعود إنه ياكل المكسرات مباشرةً بعد ما يشتريها، و فاكر إنه بالطريقة دي بياخد كل الفوائد والقيم الغذائية اللي فيها، بس الحقيقة هي إن دي مش أصح طريقة للاستفادة من كل الفوائد اللي في المكسرات، وده بسبب المعادن اللي بتتكون منها وبتسبب مشاكل في الهضم لو تم تناولها جافة. علشان كده هنقدملكم كذا طريقة لمعالجة المكسرات قبل أكلها، وطرق تحضيرها علشان نقدر نحقق أقصى استفادة منها.

عن: Unsplash

أول طريقة هي  تسخين المكسرات، لكن في حالة المكسرات اللي بتحتوي على زيوت كتير زي الجوز مش هيكون مفيد بنسبة كبيرة تسخينها، وعلشان كده في طريقة تانية وهي التخمير فى محلول خاص. وبالنسبة للطريقة التالتة وهي الأسهل، هي نقع المكسرات في المياه والملح، وده باستخدام 3 أكواب من الماء، وكمية مناسبة من الملح، وعليهم كوب من المكسرات، وبنسيبهم يوم كامل في درجة حرارة الغرفة. وخلوا بالكوا إنه فيه أنواع بذور ومكسرات مينفعش معاها طريقة النقع دي زي الشيا و الكتان.

ومن أفضل طرق تخزين المكسرات

  • في درجة حرارة الغرفة لمدة ثلاثة أشهر على الأقل.
  • في الثلاجة لمدة تصل إلى ستة أشهر.
  • وفي الفريزر لمدة سنة أو أكثر.

ولكن خلي بالك إن تخزين اللوز في الفريزر ممكن يفقده فوائد زي فيتامين E اللي بيميز أنواع كتيرة من المكسرات، ومعروف إنه مضاد للأكسدة، وبيحمي من أمراض القلب، وبيحمي من مرض الزهايمر، وكمان بيساعد علي الوقاية من أمراض السرطان.

والمكسرات مش بتتاكل بس في شكل التسالي، فيه أكلات ووصفات كتيرة بيتضاف ليها المكسرات، وبتكون أحلى وليها قيمة غذائية أكبر زي الحلويات الشرقية، والأطباق الرئيسية اللي بتعتمد على المكسرات في مكوناتها الأساسية.

ومن الأطباق الشهية اللي بتعتمد علي المكسرات، الكبسة والفراخ اللي بيتحشوا بيها، والشركسية اللي بتتكون من المكسرات مع الفراخ، والكريمة، والرز، وعيش التوست.

آخر كلمة: فوائد المكسرات كتير بس لازم نختار طريقة المعالجة والأكل الصح ليها علشان تقدر تحقق أقصى استفادة منها.

تعليقات
Loading...
Tweet
Share
Share
Pin