“صورة بألف كلمة”، جملة دارجة بنقولها لما بنيجي نوصف صورة مؤثرة لمست جوانا مشاعر وأحاسيس صعب تتحرك بسهولة في ظروف عادية. الصور دايمًا كانت من طرق التعبير المهمة اللي إحنا كبشر استخدمناها عشان نوثق العالم حوالينا. من رسومات الكهف للبشر الأوائل لحد إنتسجرام دلوقتي، كبني أدمين النوع ده من التعبير طول عمره ساحر لينا.
عالمنا العربي -ومنطقة الشرق الأوسط بشكل عام- طول عمره فيه كل حاجة وعكسها، من طبيعة خلابة وإرث حضاري وثقافات متنوعة لحروب ومآسي لا حصر لها. يمكن الوطن العربي ده هو من أجمل الأماكن في الوجود لكن في نفس الوقت أرضه فضلت مكان لصراعات ونكبات أحزنت قلبنا.
لكن مع كل اللى بيعانى منه الشرق الأوسط والعالم العربى من اضطرابات ومآسى، المنطقة هتفضل دايمًا كنز يحسده ويطمع فيه العالم كله؛ عشان كده جبنالكم مجموعة صفحات من على إنتسجرام بتبين جمال بلادها الساحر.
Middle East Archives
صفحة بتهتم بإظهار جمال الشرق الاوسط عن طريق صور قديمة من حقب زمنية مختلفة للناس والأماكن.
ميرهان، المتعارف عليها بميرو، عندها إيمان قوى إنها كانت المفروض تتولد سمكة، بسبب حبها الهستيرى للبحر والحياة البحرية، وإنها لاعبة باليه مائي.
ميرهان عفوية ومجازفة، و عندها هوس بالسفر والمغامرة. مش بتمشى أبدًا ورا القطيع وهدفها فى الحياة إن يكون ليها صوت مؤثر وبصمات إيجابية فى بلدها. ميرهان دايماً جواها صراع داخلى مابين شغفها وطموحها القوى، وبين مماطلتها اللى معدية كل الحدود، حرفياً كل الحدود.
ميرهان مؤمنة إن الحيوانات هى اللى المفروض تقود الناس.
ميرهان بتدرس علوم سياسية، وبتحب الفلسفة، الطبيعة، التصوير، المازيكا، اليوجا، والمكرونة!
الكتابة بالنسبة ليها أحسن طريقة للتعبير عن نفسها.
