الجزء الثاني من “عروس بيروت” ينهي انتظار المشاهدين يوم 11 أكتوبر الجاي

إيه أجمل من إنك ترتبط بمسلسل حلقاته طويلة، وتتفرج على 4 أو 5 حلقات ورا بعض وأنت نايم علي السرير وواخد علبة آيس كريم في حضنك وأنت بتتفرج؟ مفيش أحلى من كده صح؟ بس للأسف بعد ما بيخلص المسلسل بنحاول نداوي ألم فراق شخصياتنا المفضلة في إننا نسحل نفسنا في مسلسل جديد، وبتفضل في حاجة جوانا كده دايمًا نفسها في حلقات أكتر ومشاهد أكتر لشخصيات مسلسلتنا اللي خلصت.

عن: الغد

لو قادر تفهم الشعور ده وبتمر باللحظات دي، ولو كمان كنت من محبي مسلسل “عروس بيروت” يبقى النهارده يومك السعيد، لأن مسلسل عروس بيروت، اللي لفت الأنظار وجمع ناس كتير من أذواق مختلفة قدام الشاشة علشان يتفرجوا عليه، أخيرًا هيتعرض الجزء التاني منه يوم 11 من أكتوبر الجاري، وهتقدروا تاخدوا جرعة أكبر من قصة ثريا وفارس الرومانسية، وتعيشوا معاهم مشاكلهم من تاني.

امبارح نزل برومو الجزء التاني من المسلسل اللي هيتعرض علي قناة MBC 4 يوم 11 أكتوبر، وقبلها بـ24 ساعة هتنزل أول حلقة منه على منصة شاهد VIP. والمسلسل اللي بيعتبر نسخه معربة من المسلسل التركي “عروس اسطنبول” مكمل في بطولته الجماعية بين ظافر العابدين، وكارمين بصيبص، وتقلا شامعون، ومحمد الأحمد، ومن المقرر إن الجزء الجديد يكون 85 حلقة.

آخر كلمة: متشوقين قد إيه أنكم تشوفوا الحلقات الجديدة من المسلسل؟

تعليقات
Loading...
Tweet
Share
Share
Pin