ازاي مشروعات الطاقة المتجددة في مصر هتفيدنا وهتوفر مواردنا؟

قطاع الطاقة المتجددة في مصر هو واحد من القطاعات الواعدة مؤخرًا، واللي شهد طفرة كبيرة بعد ما أخد اهتمام خاص من الدولة في سعيها للتحول للطاقة النظيفة. القطاع ده حقق نجاحات كتير عن طريق مشروعات توليد الطاقة الجديدة، اللي جذبت استثمارات كتير ووفرت فرص عمل.

الزعفرانة أمل الطاقة المتجددة فى مصر – عن وطني

إيه هي مشروعات الطاقة المتجددة؟

المهندس إيهاب إسماعيل، نائب رئيس هيئة الطاقة الجديدة والمتجددة، بيُشير لنقطة مهمة؛ مصر متميزة بكتير من مصادر الطاقة المتجددة، إلا إن طاقة الرياح هي أكتر المصادر اللي بنتميز بيها في بلادنا، خصوصًا في منطقة خليج السويس والزعفرانة مرورًا بالغردقة، وده دفع الدولة من زمان للاستثمار هناك في مجال الطاقة المتجددة وبالتحديد من سنة ٢٠٠٠، إلا إن المشكلة اللي كانت بتواجهنا ساعتها هي التكلفة العالية.

الرئيس السيسي خلال افتتاحه محطة بنبان للطاقة الشمسية في ٢٠٢١ – عن الطاقة

إنجاز مجمع بنبان للطاقة الشمسية

من بداية ٢٠١٤ وبعد ما مرت مصر بأزمة في قطاع الكهرباء، بدأت مصر في وضع استراتيجية لتنويع مصادر الطاقة، وبدأنا مع الطاقة الشمسية اللي كانت بتتميز بانخفاض التكلفة، وتم إنشاء مجمع “بنبان” للطاقة الشمسية في أسوان، واللي وصل حجم الاستثمارات المباشرة فيه ٢.١ مليار دولار.

مساهمة قطاع الطاقة في توفير فرص العمل

١٥ ألف وظيفة وفرها مجمع “بنبان” بس ،وخلال فترة إنشائه وفر فرص عمل ورواج اقتصادي كبير في أسوان ظهر في إشغال كامل للفنادق وغيرها، كمان المشاريع دي بتجذب استثمارات أجنبية كتير طول الوقت وده بيخلي مصر سوق واعدة جدًا.

مشروع بنبان للطاقة الشمسية – عن الوطن

التغير المناخي مشاريع مصر للطاقة المتجددة

المشاريع دي بطبيعة الحال هتحد من حالة التغير المناخي اللي بنشهدها حاليًا في العالم كله، وسنة ٢٠٣٥ الدولة بتخطط توصل لاستخدام الطاقة الجديدة بنسبة بتوصل ل٤٢ ٪ من إجمالي مصادر الطاقة في البلاد، وده بشكل مبدئي.

كمان كل ما نعتمد على الطاقة المتجددة، كل ما هيزيد تصديرنا للغاز الطبيعي وغيرها من المصادر التانية للطاقة، وده هيرجع على الاقتصاد المحلي باستفادة كبيرة.

إيه هو الهيدروجين الأخضر؟ 

الهيدروجين الأخضر هو واحد من مصادر الطاقة المتجددة، وهو وقود خفيف وعالي التفاعل بيتم استخلاصه بعملية كيميائية معروفة باسم التحليل الكهربائي، وبتستخدم الطريقة دي تيار كهربائي لفصل الهيدروجين عن الأكسجين في المياه.

مصر أقامت منشأة لإنتاج الهيدروجين الأخضر بقدرة 100 ميغاواط في المنطقة الصناعية في العين السخنة التابعة للمنطقة الاقتصادية لقناة السويس.

إنجازات الطاقة الجديدة في مصر

حسب وحدة أبحاث الطاقة، نجحت مصر خلال 2021 في إنجاز عدد من المشروعات، وتحقيق انتاجية مرتفعة من الطاقة النظيفة، وهي:

  • وصلت انتاجية الطاقة الكهرومائية في 2021-2022 ل4 آلاف و44 جيجاوات/ساعة.
  • سجلت مشروعات طاقة الرياح حوالي 1664 جيجاوات. 
  • وصلت الكهرباء المنتجة من الخلايا الشمسية المتصلة بالشبكة حوالي 55 جيجاوات/ساعة
  • وصلت الكهرباء المولدة من الوقود الحيوي ل3 جيجاوات/ساعة.
  • نفذت هيئة الطاقة الجديدة والمتجددة محطة طاقة رياح بقدرة 250 ميجاواط في منطقة خليج السويس، ومحطة خلايا شمسية بقدرة 50 ميجاواط في منطقة الزعفرانة.
  • بدأت مصر فعلًا التشغيل التجاري لمحطة طاقة رياح بقدرة 250 ميجاواط في منطقة خليج السويس.
  • بيتواصل العمل في مشروع مجمع بنبان للطاقة الشمسية بمحافظة أسوان، والسنة دي 2022 مصر هتخلص الـ8 محطات اللي فاضلة عشان توصل قدرة المشروع الإجمالية ل2000 ميجاوات.

أخر كلمة: ماتفوتوش قراءة: عالم الطاقة: أشياء يجب معرفتها حول مستقبل إدارة الطاقة

تعليقات
Loading...
Tweet
Share
Share
Pin