إزاي تقدر تساعد لبنان فى أزمتها؟

بواسطة ميرهان ياسر.

أصيب آلاف الأشخاص في بيروت بعد الانفجار الهائل اللى توغل في جميع أنحاء العاصمة اللبنانية. آلاف المباني والبيوت اتدمرت، المحاصيل ومخازن الطعام تحطمت، والانفجار تسبب في دمار واسع النطاق.

 المأساة دى جت في أسوأ وقت ممكن للبنان، اللى بتواجه بالفعل انهيار عملتها، واضطرابات سياسية عميقة، وأزمة اقتصادية ساحقة، ووباء الفيروس طبعا فوق كل ده.  والأزمة الأكبر كمان إن الحكومة اللبنانية غير فعالة إلى حد كبير في التعامل مع الأزمات دى، وفقًا لـ Human Rights Watch، مما يعني أنه من الصعب جدًا تقديم المساعدة لمن هم في أمس الحاجة ليها.

ومع غرق المستشفيات بالاف الضحايا، مؤسسات الإغاثة في لبنان محتاجة الفلوس والموارد بأقصى سرعة. ودى بعض الطرق التي ممكن من خلالها تقدم مساعدة:

  1. الصليب الأحمر اللبناني: المؤسسة دى بتساعد في توفير خدمات الإسعاف في لبنان. وقالت على تويتر أنها أقامت بالفعل “محطات فرز وإسعافات أولية” لمساعدة الأشخاص اللى بيعانوا من إصابات غير حرجة. ممكن تتبرع ليهم من هنا.
  1. Impact Lebanon: المؤسسة دى بترفع الإغاثة من الكوارث من خلال موقع التمويل الجماعي JustGiving. وجمعت تقريبا 150،000 جنيه استرليني حتى ظهر الثلاثاء.
  1. التبرع بالدم: لو انت في المنطقة، تحتوي صفحة Carrd.co على قائمة بالأماكن التي ممكن تتبرع فيها.
  1. بنك الطعام اللبنانى: من اهم المؤسسات اللى محتاجة معونة فى الوقت دة. لبنان اصلا كانت على وشك الوقوع فى مجاعة، وبعد اللى حصل، هى فى امس الحاجة لكل تبرع صغير. 
  1. وأخيرا، في صفحة اتعملت بعد الانفجار لمساعدة الناس اللى فقدت بيوتها. لازم نحاول ننشرها بقدر المستطاع. 

لبنان فى حالة يرثى لها، ومحتاجة كل المساعدة الممكنة. ولو مش قادر تتبرع، فعلى الاقل ساعد فى نشر الوعى عن الازمة وادعيلهم من قلبك. 

آخر كلمة: من كل قلبنا، سلام لبيروت

تعليقات
Loading...
Tweet
Share
Share
Pin