أول براند مصري متخصص في عمل لبس للمرضى بعد العمليات الجراحية والكسور

علشان تساعد الناس، دايمًا أي موقف قدامك مهما كان بسيط بيخلي دماغك تشتغل في إن إزاي تعرف تسهل على الناس حياتهم اليومية واللي بيواجههم كل يوم؟ وبفكرة جديدة، قررت شيماء النجار إنها تساعد المرضى بعد العمليات الجراحية والكسور اللي تعرضولها أو اللي بيواجهوا صعوبة في الحركة لأي سبب، بحاجة هتسهل عليهم كتير من معاناة يمكن ماكنتش تيجي في بال أي حد، وهي أبسط حاجة، إنهم يقوموا بتغيير ملابسهم، وقررت تعمل Adapt Garment أول براند مصري متخصص في صناعة لبس مصنوع بتصميمات تناسب المرضى وتسهل عليهم المعاناة دي، لبس مريح وفي نفس الوقت شيك، تعالوا نشوف إزاي.

من لبس مصمم مخصوص للغسيل الكلوي وجراحات الكتف وكمان جلسات العلاج الكيميائية، بشكل يسمح بالعملية دي بسهولة من غير ما يضطر المريض لإنه يغير لبسه زي الصور دي كده، بسويت شيرت مصمم بسوستة تتفتح من فوق لحد آخر الدراع، علشان تسهل العمليات دي للمريض.

وبنطلون جراحة مفتوح من الجنبين مناسب لمعظم جراحات أسفل الجسم وموجود فيه كمان جيب علشان يتشال في الدرنقة.

وكمان شورت بجيب جانبي علشان القسطرة.

ADAPTIVE SURGERY PANTS التغيير علي الجرح بعد العمليه او حمل الوعائات(الدرنقة أو القسطره) من اكتر المشاكل الي بيعاني…

Posted by Adapt Garment on Tuesday, March 9, 2021

عشان أدابت هدفه راحة المريض ، عملك لبس مناسب لبعد اي عملية جراحيه او كسور 💪🏻-تصميم مخصص بفتحات تتناسب مع جميع أنواع…

Posted by Adapt Garment on Wednesday, January 27, 2021

حتى المشكلة اللي بتواجه الأمهات في الرضاعة برا البيت، لقوا ليها حل بتصميمات كتير كمان مختلفة وشيك، كلها بتسهل للأم رضاعة طفلها في أي مكان.

آخر كلمة: ماتفوتوش قراءة: #سكوب_أمل: قابلوا نسمة يحيى صاحبة أول براند ملابس لقصار القامة في مصر

تعليقات
Loading...
Tweet
Share
Share
Pin