في كتير من الأفلام المصرية فعلًا ماتتنسيش، مهما يعدي عليها سنين.. أول ما بنسمع أغنية أو موسيقى للفيلم، بنحس بـ goosebumps كده. ليه؟ علشان الموسيقى التصويرية وأغاني الأفلام من أكتر العناصر اللي بتسيب أثر عند المشاهد. وبتخلق عاطفة وconnection كده من نوع خاص بينا وبين العمل الفني.
موسيقيين مهمين وكبار، زى هشام نزيه، خالد حماد، ياسر عبدالرحمن وغيرهم، قدروا يكونوا عنصر مهم وجزء لا يتجزأ من حب الجمهور لفيلم ونجاحه.. لإن عامل الموسيقى مهم جدًا ومؤثر. وبما أن في تركيز على الموسيقى التصويرية للأفلام القديمة، قررنا نركز على أفلام حديثة شوية.. أبدع فيها الموسيقيين في خلق tunes تعلق مع الناس.. سواء كانت سعيدة أو حزينة.
فيلم تيتو
تيتو من الأفلام اللي متتنسيش. ومهما نتفرج عليها، كل مرة بيخلص فيها الفيلم، بيبسيب جوانا شعور مختلف كده من التأثر. وجزء من تأثير الفيلم علينا، هو طبعًا موسيقة هشام نزيه في الفيلم، اللي بتخلينا عايزين نعيط أول ما تشتغل!
فيلم انت عمري
لما نجيب سيرة التأثر والعياط، يبقى لازم نتكلم على طول على فيلم انت عمري، اللي يعتبر أيقونة في الدراما السينمائية. حاجات كتير بتميز الفيلم ده وتخليه يسيب أثر عند المشاهد، ومن ضمن العناصر دي كانت الموسيقى التصويرية وأغاني الفيلم اللي فيهم mix من الحزن والتفائل.
فيلم اللي بالي بالك
علشان المقالة ماتقلبش نكد، تعالوا نسمع ونفتكر قد إيه موسيقى التصويرية لفيلم اللي بالي بالك كانت سعيدة ومبهجة! محمد سعد وباقي أبطال العمل أكيد قدروا يضحكونا.. بس كمان ما نقدرش ننكر دور موسيقة خالد حماد، اللي أضافت لمسة سحرية للمشاهد الكوميدية!
فيلم سمير وشهير وبهير
هتلاقوا اسم الموسيقار خالد حماد مكتوب كتير في المقالة، بس نعمل إيه كل الموسيقى التصويرية اللي بيعملها تستحق الذكر والتقدير. موسيقى فيلم سمير وشهير وبهير، أحد انجح الأفلام الكوميدية، كانت برضه الموسيقى التصويرية بتاعته يتخليك لا إيراديًا.. أيوه زى ما عملت كده دلوقتي أول ما فتحتها!
فيلم ليه خليتني أحبك
من الأفلام اللي مش واخده حقها، وفعلًا مش عارفين ليه. من الأبطال لحد الموسيقى التصويرية، كل حاجة في الفيلم تخلينا نحب نتفرج عليه.
فيلم ملاكي اسكندرية
أفلام أحمد عز دايمًا بيكون فيها من الحرفية في التمثيل، لحد اختيار القصص المختلفة والأبطال اللي بتكون كفيلة تنجح أى عمل. وفي فيلم ملاكي اسكندرية بجانب كل العوامل دي، كان في كمان موسيقى تصويرية رائعة للموسيقار ياسر عبدالرحمن.
فيلم غبي منه فيه
نقول إيه ولا إيه طيب على موسيقة خالد حكاد في فيلم غبي منه فيه؟ فعلًا ممكن تُستخدم كنموذج للموسيقى السعيدة.. مفيش أحلى من كده!
فيلم ويجا
فيلم ويجا الموسيقى بتاعته، كانت لايقة على الأحداث بطريقة مذهلة، لدرجة إننا مانقدرش نفتكر الفيلم من غير الموسيقى التصويرية بتاعته.
فيلم عن العشق والهوى
فيلم عن العشق والهوى كان في قصص كتيرة، وكلها مؤثرة من جانب معين.. والموسيقار خالد نزيه قدر وباحترافية إنه يعيشنا موود كل القصص بالموسيقى التصويرية بتاعت الفيلم. من أكتر الموسيقى اللي ممكن الناس تكون بتحبها، وبتأثر فيهم.
فيلم أفريكانو
أول ما تسمع الموسيقى دي، هتعرفوا على طول إن ده فيلم أفريكانو. لإن الموسيقى التصويرية بتاعت الفيلم مش بس جزء من الفيلم، لكنها هويته كمان.
فيلم حرامية في تايلاند/ كي جي تو
الفيلمين رغم اختلاف قصصهم، وكمان موسيقتهم، إلا إن الفيلمين حقيقي كانت الموسيقى بتاعتهم مبهجة ومختلفة.
فيلم حرب أطاليا
واضح إن أفلام أحمد السقا كل الموسيقى التصويرية بتاعتهم مميزة. فموسيقى فيلم حرب أطاليا كانت عنصر مهم من عناصر كتير موجودة في الفيلم تخلينا نحب نتفرج على الفيلم كتير من غير ما نزهق. ومابقيناش محتاجين نقول، موسيقة بالجمال ده لازم تكون للموسيقار خالد حماد.