أحسن أماكن تقدر تستمتع فيها بالغوص في العالم العربي

0

بواسطة منة حسني

العالم العربي معروف ببحره وجمال أعماقه واختلاف وكثرة أنواع الشعب المرجانيه والأسماك الملونة فيه، ومعروف برضه قد إيه بتعتبر أغلب بحار العالم العربي هدف سياحي لرياضة الغوص ..

هنتكلم عن أشهر أماكن الغوص في بلاد مختلفة علي خريطة الوطن العربي نقدر نستمتع فيها بالغوص.

مصر

بواسطة: البشاير

من أفضل البلاد علي مستوي العالم العربي، وغير العربي لممارسة الغطس وده لتعدد أماكن الغطس فيها اللي بتبين القيمه الحقيقيه للبحر الأحمر، ومن أشهر واجمل أماكن الغوص في مصر:

  • محمية رأس محمد: تقع المحمية على بعد حوالي 12 كيلومتراً من شرم الشيخ، ومن المناطق الأكثر جمالاً وقيمة في المحمية شعاب القروش، وشعاب اليولاندا، اللي بتوفر الفرصة للغطاسين لرؤية كل نوع من الأسماك في البحر الأحمر في مكان واحد.
  • شعاب الفينستون (مرسى علم): واحدة من أفضل أماكن الغطس المعروفة في مصر. متاح في المنطقة دي للغواصين السباحة مع السمك بطريقة مباشرة، و من أنواع الأسماك دي الرأس المطرقة، والقرش الأبيض اللي بيعيش في المحيط. وكمان مُتاح للغواصين الاستمتاع بمجموعة كبيرة من المرجان، وممكن احيانًا نشوف سمك القرش النمر، والدلافين في نفس المكان، وده بيخيلي التجربة دايمًا ممتعة ومختلفة.
  • حطام السفينة كارناتيك: سفينة كارناتيك هي الأقدم بين السفن الغارقة في البحر الأحمر، وممكن الغطس بطول السفينة بصحبة مجموعة متنوعة من الأسماك الجميلة والمختلفة.
  • جزيرة الجفتون، الغردقة: الجزيره بتضم مجموعة من أجمل مواقع الغطس في الغردقة مع فرصة لمشاهدة الحياة البحرية بكل أشكالها، زي سمك البراكودا، والتونة. وكمان يقدر الزوار إنهم يشوفوا عن كثب الكهوف ويتعرفوا على أنواع الكائنات الموجودة، وممكن تصويرها بكاميرات ضد  الماء.

المغـرب

بواسطة: سفاري نيوز

الشواطىء المغربيه بتعتبر واحدة من أهم أسباب زيادة معدلات السياحة في  المغرب. وفي الصفوف الأولي بييجي شاطئ ” قيمادو” وهو واحد من أجمل أماكن السياحة في الحسيمة بالمغرب. ومن الأنشطة الممتعة المتاحه في قيمادو هي مغامرة الغوص والأختلاط بالشعاب المرجانية والأسماك، والاستمتاع بالطبيعة الساحرة الموجوده علي الشط.

وفي برضه شاطئ” اسبالماديرو” وهو واحد من أفضل أماكن السياحة في الحسيمة المغربية، وأمتع شواطئ المنطقة في ممارسة الغوص.

وبالإضافة للاستمتاع بالبحر والأسماك، شاطئ ” الصفيحة”، اللي بيمتد لمسافة كبيرة بتوصل 1650 م، بيضم المساحات الخضراء الواسعه  اللي بتعكس  عليه  قيمة جمالية كبيرة. والغوص في المنطقه دي بيكون ممتع جداً للمغاربه وللسياح من مختلف بلاد العالم، وكمان ماتنساش تاخد جولة وسط الشجر والمعالم السياحية القريبة من الشط.

الأردن

بواسطة: طقس العرب

خليج العقبة من أشهر الأماكن اللي بتقع عليها دوله الأردن العربية، وأغناهم بأماكن الغوص زي:

  • أرزة الكرامة: بيعد واحد من مواقع الغوص الأكثر شعبية في الأردن، وبيتمثل في المكان اللي اتحطمت فيه سفينة أرزة الكرامة سنة 1985، والغواصين يقدروا يتنقلوا حواليها، ويكتشفوا الشعب المرجانية الجميلة.
  • الحدائق اليابانية: مكان غني جداً بالشعاب المرجانية اللي بتبدا في منطقة ضحلة المياه، وبتمتد عبر المنحدرات إلى الأعماق. وهو موقع محبوب للغواصين باعتباره واحد من مواقع الغطس الجميلة في المنطقة الأردنية. ومن أكتر الحاجات اللي بتمبز الحدائق اليابانية، إن الغواص ممكن يشوف السلاحف، وأسماك الشعاب المرجانية، وثعابين موراي، والمحار الكبير خلال رحلته تحت المياه.

الإمارات (دبي)

بواسطة: ماي بيوت

الغوص في المياه البحرية المفتوحة مغامرة ماتتقدرش بثمن، عشان كده بييجي في مقدمة مواقع الغوص داخل دبي “شاطئ الجميرا”. بيقوم بالإشراف علي الغوص في شط جميرا مركز تدريب برمودا، اللي بيقدم دورات تدريبة متنوعة، وممتازة لتأهيل الغواصين. وبيليه “شاطئ مارينا” اللي بيقدم لممارسي الغوص تجربة تخل الأنفاس وتريح الأعصاب.

البحرين

بزاسطة: ootlah.com

البحرين مشهورة بمياها الزرقاء، ونظامها الإيكولوجي الجميل، ومن أشهر مواقع الغوص فيها:

  • فيفي ريك: فيفي ريك في جنوب شرق البحرين، بيبعد حوالي 25 كم شرق جزيرة الدار موطن أسماك الحفش، وأسماك أمريكا الجنوبية، وأسماك الرقيطة، وثعابين البحر، وبتردد عليه بردو السلاحف البحرية. وبالإضافة لكل ده، الموقع بمثابة دور الحضانة للسمك، والشعاب المرجانية والإسفنج اللي فيه بيمثلوا الملجأ المثالي للروبيان الملوّن، وسرطان البحر.
  • كايسون ريك: المنطقة دي بتقع على بعد حوالي 20 كيلومترا من مدينة البحرين، وهي موطن مجموعات ضخمة من الأسماك بما في ذلك الأنواع الصغيرة من الشعاب المرجانية، والأسماك السطحية الكبيرة زي سمك التونة أو جاك في بعض الأحيان. عمق منطقة الغوص دي 12 متر، وبتعتبر من أمتع اماكن الغوص في البحرين، وأشهرها، ولو كنت من زوار كايسون ريك ماتنساش الكاميرا المائيه علشان تاخد صور جميله للذكري.

آخر كلمة: متفوتوش قراءة باستخدام مواد صديقة للبيئة: تجديد منطقة البلوهول وتطويرها لكل عشاق الغطس والمغامرة

تعليقات
Loading...