بعد الأزمة اللي حصلت في الفترة الأخيرة لمسلسل الملك، بعد عرض البرومو الخاص بيه، والانتقادات اللي اتعرضلها على السوشيال ميديا بسبب أخطاء تاريخية وحاجات في اللبس والديكور والمكياج الناس شافتها مش مناسبة للعصر اللي بتدور فيه الأحداث، بعدها قررت شركة الإنتاج “المتحدة للخدمات الإعلامية” إنها توقف تصوير المسلسل وتشكيل لجنة لمراجعة المسلسل، وشارك كتير من الفنانين في هاشتاج “نتفرج بعدها نحكم”، وكتبوا بيان مصغر بيعبروا فيه عن وجهة نظرهم وإن مش المفروض نحكم على المسلسل قبل ما يتعرض.
احنا بنعمل فن عشان نحكي حواديت عشان نسعد الناس ونسليهم ونخليهم يفكروا.. ماتحكمش على الجواب من عنوانه، من حقك تقرا الجواب…
Posted by Amr Salama on Tuesday, April 6, 2021
بعد عرض البرومو، الناس اختفلت آرائها، بين معارضين عبروا عن إنهم شايفين المسلسل فيه أخطاء، والشخصيات شكلها مش مناسبة مع العصر اللي بيمثلوه، والموضوع قلب ميمز في كل حتة، وناس شافت إنه المسلسل درامي مش تاريخي زيّ ما تم التوضيح، وإنه مش لازم يطلع بالشكل التقليدي طالما مش غرضه التوثيق التاريخي.
بعد كده أعلنت شركة المتحدة للخدمات الإعلامية وقف المسلسل وتشكيل لجنة لمراجعته، حتى لو ده هينتج عنه عدم عرضه في موسم رمضان الجاي، بعدها انتشرت أخبار عن وجود فيلم للملك أحمس، هيقوم ببطولته محمد رمضان.