سواء كنت من عشاق الكباب التركي المتبل على أصوله، أو نفسك تجرب البقلاوة اللي بتدوب في البُق، تقدر تخوض التجربة كاملة في مطاعم بتقدم المأكولات التركية في مصر.
من أجواء إسطنبول الساحرة لنكهات الشارع التركي الشعبي، في المقال ده، جمعنالك أفضل المطاعم التركية في مصر.
اللي مش بس بتقدّم أكل يفتح النفس، لكن كمان بتعيشك أجواء تركية حقيقية من أول ما تدخل المكان.
لا تفوت قراءة: رحلة الشيف بوراك نحو القمة: لماذا أسعار مطاعمه باهظة الثمن؟
مطعم عثمانلي Osmanly .. كُل زي السلاطين!
كُل زي السلاطين، بداية من إبريق نحاس فيه مية ياسمين تغسل بيها إيديك، ومعاه فوطة دافية، علشان تبقى جاهز تستقبل أحلى أكل.
فكرة الطبق المُشترك هناك هتخليك تذوق كذا نوع مختلف من الأكل في مرة واحدة، وكأنك عامل جولة في المطبخ العثماني.
المنيو عندهم مليانة اختيارات مميزة ومن ضمنها الطبق الشهير “هونكر بيجندي”، وماتنسوش تجربوا من عندهم التندوري بالصلصة وإسكندر كباب.
كل قطعة لحمة، سواء كانت لحمة بقري أو ضاني، متحضرة بعناية من شيفات مدربين، وبتتراجع واحدة واحدة قبل ما توصل للشواية.
المطعم عنوانه 12 شارع أحمد راغب، فندق كمبينسكي النيل، جاردن سيتي، القاهرة.
تقدروا تتعرفوا على المنيو والأسعار من خلال صفحتهم من هنا
Bosporus (بوسبورس) .. جسر إلى تركيا
من المطاعم الموجودة في أماكن كتير في الدول العربية زي البحرين والإمارات وفتح فروعه في مصر هتلاقيه في “كايرو فيستفال سيتي – ألماظة – مول مصر – سيتي ستارز”.
وبيقدموا أكلات مميزة زي كاغيت كبابي وكوزو إنجيك ودجاج شاشليك وغيرهم من الأطعمة التركية المميزة مع خليط من الديكورات التركية اللي هتكون بمثابة جسر بينك وبين تركيا.
وعندعم وجبات زي إفطار السلطان أو إفطار عثماني أو إفطار إسطنبول ودول بيضموا أصناف زي ( جبن سيسيل، جبن إزمير تولوم، سيجارا بوريجي، جبن حالومي مشوي، زيتون مشوي زبدة بالسمسم.
تقدروا تعرفوا أكتر عنهم من خلال صفحة الفيسبوك من هنا.
لا تفوت قراءة: من كشري” أبو طارق” لفول “الجحش”: عربات أكل في الشارع تحولت لمطاعم شهيرة
Turcia – تجربة تركية استثنائية
هتلاقي في المنيو أصناف كتير مغرية، الشيفات اللي موجودين كلهم من تركيا فبتضمن أن الاكل بيطلع مظبوط بالمللي
من أكتر الاصناف المميزة اللي بتتقدم Jar “تيستي كباب” باللحم و الخضار بتتقدم بشو الملح و النار، الشيف بيقدمها قصادك عالترابيزة.
أهم حاجة بقى الكنافة.. الشيف بيقف يعملها قصادك و تفضل تطلع نار لحد ما يبدأ العسل يكرمل و بتتقدم عليها بولة أيس كريم.
المكان موجود في أركان بلازا الشيخ زايد وتقدر تتواصل معاهم على الرقم ده 012 88883863
سلطان سراي – تجربة تركية كاملة !
الناس كلها في مدينتي اتكلمت عن افتتاح مطعم سلطان سراي، اللي بيقدم تجربة أول خروف كامل مشوي على الحطب في مصر. وخروف من سن تلات شهور مايكونش أكل أي حاجة غير اللبن.
سلطان سراي جه من أسطنبول على مصر على طول علشان يقدم بتجربة تركية كاملة مميزة من أول الاستقبال والشيفات المحترفين والأطباق التركية الأصلية.
من أول لبن العيران اللي هيتم استقبالك بيه لحد الأكل اللي هيتقدم في أطباق نحاس وأحيانًا في خزنة دهب! ومن أشهر الأطباق (ميني بيدا وتريالي بالك).
العنوان داخل East Hub, مدينتي، للحجز والتواصل : 01020116617
كونيالي أحمد أسطى – 36 فرع في جميع أنحاء العالم!
بعد 36 فرع في جميع أنحاء العالم وحصوله على أفضل مطعم تركي، فتح مطعم كونيالي أحمد أسطى في الشيخ زايد في وصلة دهشور، وكل الشيفات فيه من تركيا.
وأهم حاجة لازم تجربوها هناك هو قطر المشاوي، قطر طويل مابينتهيش بيتفرش من تحت بالبرغل وبيضاف عليه كل المشاوي التركية اللي ممكن تتخيلوها.
أو تجرب الأضنة كباب مع عيش متحمص بالزبدة والزبادي وعليه رشة صلصلة من فوق، أو طاجن اللحمة بالجبنة والطماطم!
لو عايز تشوف أكثر عن المنيو من صفحتهم من هنا أو من الرقم ده 015 00022144.
مطعم الشيف بوراك – تجربة تركية بأسعار فلكية!
من أشهر شيفات العالم معروف بفيديوهاته اللي بتجري الريق وأحجام أطباقه اللي بيتجيب أخر الشارع، وكل طبخة كان بيعملها كانت بتبقى حديث الناس.
أول ما فتح في مصر (في منطقة التجمع الخامس) الإقبال كان كبير عليه بالرغم من أسعار أكلاته اللي وصفها البعض بإنها “فلكية” !
جرب من عنده البيردي بلاف وضلع اللحم الضاني والكتف المشوي المملح وعلي نازك.
وللتواصل من خلال 15015 أو من على صفحتهم على انستجرام من هنا
لا تفوت قراءة: الخلصانة بالفراولة ولا الألماظية؟.. افتكاسات حلويات رمضان كل سنة أغرب!
Nişantaşi نيشانتاشي – طعم إسطنبول بين إيديك!
نيشانتاشي هو أحدث مكان للأكل التركي الأصيل في قلب القاهرة، والمكان ده تابع للأكاديمية الدولية للأغذية. وراه فريق بيعشق السفر، ولفوا كتير علشان يكتشفوا أسرار المطبخ التركي ويجيبوه لنا على أصوله.
اسم المطعم جاي من حي راقٍ في منطقة شيشلي في إسطنبول، وده بيعكس روح المطعم: أناقة، طعم أصيل، وتفاصيل متحضرة.
المنيو هناك مش بس أكل، ده حكاية! من العيش البيتي اللي ريحته تشدك.
لحد اللحوم الطرية اللي بتدوب في البُق، كل طبق معمول بحب وبدقة، وباستخدام طرق طهي متوارثة من جيل لجيل.
وماتنساش لما تروح هناك تطلب شو النار للفراخ بالملح!
المكان سيتي ستارز مول في مدينة نصر وتقدر تتواصل معاهم على الرقم ده +20 122 253 3336، أو موقعهم من هنا
مادو – حكاية من زمن بعيد!
حكاية مطعم مادو بدأت من زمان جدًا، تحديدًا سنة 1852، لما “عثمان آغا”، كبير عيلة “كانبور”، فتح أول محل صغير مساحته 25 متر في مدينة كهرمان مرعش في تركيا. ومن وقتها، بدأت رحلة النجاح اللي فضلت تكبر وتكبر.
على مدار أكتر من 170 سنة في عالم الأكل، قدر مادو يخلط ما بين الوصفات التقليدية والمطبخ التركي الأصيل.
وقدروا يوصلوا لأكثرمن 394 فرع حوالين العالم، معروفين جدًا بالآيس كريم التركي الشهير “دندورما”! والمميز أنهم عندهم منيو للأطفال !
المطعم موجود في مدينتي وتقدر تعرف المكان بالتفصيل من 01500266666 أو من على صفحتهم من هنا
لا تفوت قراءة: أغرب الابتكارات التي غيرت مفهوم الطعام.. هل تجرؤ على تجربة شوكولاتة دبي وناجتس الكافيار؟
السلطان أيوب – مطعم مصري بيعمل أكل تركي!
كل المطاعم اللي فاتت كانت تركي على أصوله، بس جربت التركي قبل كده، بروح مصرية؟ دي التجربة اللي هتعيشها في المطعم ده جديد من السلطان أيوب.
هتحب من عنده توستوك تيستي بوكس، خبز توستوك محمص من بره، وجواه شرائح الشاورما مع صوص الجبنة الشيدر.
وأنطاليا فيها كل اللي محتاجه على الفطار شيش طاووق مشوي بتتبيلة السلطان مع رز برياني.
لطلب الأوردات من خلال الرقم ده 16365 والمكان في مدينة نصر ولتفاصيل أكثر من هنا
حريم السلطان ..أمان ياربي أمان!
الأطباق بالمكونات والمقادير وأدوات وصواني التقديم كله جاي من تركيا! وأدوات الفخار هتلاقيها على الطريقة البدائية مش مطلية بالطين زي زمان.
موجودين في مول الرحاب في سيتي سكوير وللتواصل معاهم من خلال الرقم ده 010 33332430.