رمضان زمان كان معروف بالكنافة والقطايف والبسبوسة، دلوقتي بقى معروف بالافتكاسات اللي تطلع كل سنة! وكل سنة حلويات رمضان بتاخد نصيبها من الافتكاسات اللي تخليك تسأل: ده حلو ولا تجربة كيميائية؟
سواء الافتكاسات في المكونات اللي قلبت الحلويات رأسًا على عقب، أو حتى في الأسماء اللي بقت تحير الناس أكتر من الطعم نفسه، المهم إن رمضان بقى موسم المفاجآت حتى في الحلو!
الخلصانة بالفراولة، الألماظية، وبودينج التمر بالبقلاوة، أسماء غريبة، مكونات أغرب، والنتيجة؟ مغامرة حلوة أو صدمة سكرية!
السؤال هنا، إنت مع مدرسة الحلويات التقليدية، ولا مع التجديد حتى لو الاسم أغرب من الطعم؟
بودينج التمر بالبقلاوة.. حلاوة وقرمشة في كل معلقة!
لو متعود على “بقلاوة التمر”، استعد لتجربة جديدة! بريدفاست قررت تاخد الحلو ده لمستوى تاني تمامًا.
“بودينج بقلاوة التمر” هو أحدث اختراعات رمضان 2025، وبيجمع بين شرائح الجلاش المقرمشة، وتمر المجدول، واللوز، وكريمية البودينج.
وطبعًا مش هيكمل غير بقطع البقلاوة المقرمشة اللي هتزود الطعم متعة في كل معلقة.
لو نفسك تجرب الحلو ده، اطلبه دلوقتي من الأبلكيشن بسعر 620 جنيه!
لا تفوّت قراءة: أشهر الأكلات التي لا يستغني عنها المصريون.. ماذا تأكل في أول يوم رمضان؟
لوز اللوز والألماظية.. الراعي الرسمي لزيادة السعرات الحرارية
رمضان والسعرات الحرارية قصة حب ما بتنتهيش، و”ب لَبَن” دايمًا الراعي الرسمي لأي حلو يزود المعادلة دي!
السنة اللي فاتت فاجئنا بـ”حلو يا حلو” و”القشطوطة”، والسنة دي جايب لنا “لوز اللوز” بكريمة البنا كوتا الإيطالي!
رز بحليب مكثف، وطبقة كيك فرنسي رقيقة، وصوص دولسي دي ليتشي، ولوز محمص.. حلو تقيل بمعنى الكلمة!
مش بس كده، “ب لَبَن” كمل الإبداع بـ”الألماظية”، ليدي فينجرز فرنسية وماسكربوني وكريمة طبيعية، ومتغطية بأحلى مانجو عويس مصري!
“لوز اللوز” تكفي 6 أفراد بـ245 جنيه، و”الألماظية” الكبيرة بـ290 والصغيرة بـ110 جنيه.. اطلبه دلوقتي واستعد للسعادة والسعرات!
صوابع بيبو.. بيبو فرقع جيجي ورمضان فرقع سعرات!
بعد ما “نولا” عملت ضجة السنة اللي فاتت بـ”صوابع جيجي”، رجعت لنا السنة دي بحاجة أكتر فرقعة.. “صوابع بيبو”!
عبارة عن صوابع بقلاوة مقرمشة ومحشية بألذ الحشوات: نوتيلا، لوتس، وبستاشيو.
علبة فيها 64 قطعة من التلات نكهات بـ770 جنيه.. ولو عايز تجربها، اطلبها دلوقتي قبل ما تخلص!
الخلصانة بالفراولة.. هتخلصها ولا هتخلص عليك؟
رمضان ده “تورتينا” قررت تخلي الحلو مش بس تجربة طعم.. تجربة أكشن كمان!
الخلصانة بالفراولة عبارة عن بسكويت متفتت، بندق، بستاشيو، صوص فانيليا، فراولة طازة، مكسرات، وقاعدة بسبوسة، وكل ده بيتكسر بالشاكوش قبل ما تبدأ تأكل!
وسعرها؟ 845 جنيه زي أختها الملفوفة
لا تفوّت قراءة: طبق الكشري: سر مشترك بين محمد صلاح وعمر مرموش في رحلتهما الاحترافية في أوروبا
بطاطا ميلفيه.. قرمشة متغطية بالكريمة
بعد ما “الكنافة ميلفيه” كسرت الدنيا السنة اللي فاتت، “لابوار” قرر يخلي البطاطا تلبس نفس الثوب الراقي وتحولها لـ”بطاطا ميلفيه”!
الحلو عبارة عن طبقات من مكعبات البطاطا المكرملة، ميلفيه مقرمش، بيستري كريم، ومتغطية بكريمة البطاطا اللذيذة.
السعر؟ 450 جنيه.. ولو عايز تجربها، احجزها دلوقتي من أقرب فرع، التطبيق، أو كلم 19515!
برافيه المانجا والفراولة.. أكبر طبق حلو مع أنغام موسيقية!
جربت تاكل حلو وتسمع أغنية في نفس الوقت؟ ده اللي عملته “فوالا” السنة دي! كل طبق حلو عليه مقطع أغنية، مجرد ما تعمل سكان يشتغل معاك!
أما عن الحلو نفسه، فهو تجربة فريش وكريمي بأكبر حجم في رمضان: كريم بروليه، قطع مانجا وفراولة، كيك، كريمة جوز هند، ودونتس من الكريم بروليه!
السعر؟ 840 جنيه، اطلبه دلوقتي وخلي رمضان أحلى وأطرب!
بيكن تشيز كيك.. هو يعني الكيك مالوش نفس؟
بعيدًا عن الكنافة والبسبوسة، السنة دي التشيز كيك قرر يتدلع ويتخبز مع البقلاوة المقرمشة!
طبقات مش بتنتهي من الكرملة، صوص تشيز كيك مملح، وطبقة بقلاوة بالجبنة! ميكس غريب بس مغري، تحب تجربه؟
لو عايز تعرف أكتر عن الأسعار والطلب، كلم 010106755667 من Nut Cracker!