من فترة قريبة حظرت جوجل تسعة تطبيقات خطيرة من على بلاي ستور كانت بتحاول تسرق كلمة المرور الخاصة بحساب الفيس بوك ورجعت تاني الشركة وحذرت من مجموعة تانية من تطبيقات أندرويد المعروفة.
والمجموعة الجديدة بتستهدف فئة معينة من اللي بيحاولوا يكسبوا فلوس من تعدين العملات أو “Bitcoin، والموضوع ده انتشر بقالوا فترة كبيرة وانضم ليه أعداد كبيرة من اللي عايزين يحققوا ثروة في وقت قليل، والتطبيقات المحظورة استغلت الفئة دي من الناس وادعت إنها بتقدم خدمات التعدين اللي بتطلع فلوس شهرية.
وبعد ما العميل بيستخدم البرنامج وبيدخل الفلوس اللي عايزها تدخل في عملية التعدين، بيكتشف إن الفلوس بتتسحب ومش بيحصل أي تعدين فعلي في السحابة الإلكترونية، وده اللي قالوا مختبر “lookout Threat”، واللي خلى جوجل تحذف البرامج دي مع تحذير تاني من lookout إن فيه أكتر من 100 تطبيق غيرهم لسه موجودين على متاجر الجهات الخارجية.
وبناءً على كلام المختبر، قال إن المجرمين خدعوا أكثر من 93000 شخص، وسرقوا ما لا يقل عن 350 ألف دولار، وبمجرد إخبار جوجل بالمشكلة حذفت الـ25 تطبيق واللي انت برضه لازم تحذفهم لو كانوا عندك، وهما:
- Mr Bitcoin
- Star BTC
- Bitcoin Burn
- Moon Bat
- Multi coins
- Bito Hash
- Bito Holic
- Bithash
- Bitcoincash Miner
- Airdrop.
- Bright Miner.
- Pink BTC.
- XMR Miner.
- COIN Master.
- ETHMINER PRO.
- Crypto Cloud Miner pro.
- Mining Machine.
- Btc Miner pro.
- Bito Miner.
- BTC CLOUD.
- BTC Cash.
- Black Crypto.
- Cloud Mining.
- Crypto Pro-Miner.
- Top Coins.