يوم الاتنين الموافق 28 من شهر يونيو الجاري، تم مناقشة مشروع قانون “تنظيم حيازة الحيوانات الخطرة واقتناء الكلاب” في البرلمان، اللي أحاله رئيس المجلس حنفي جبالي للمناقشة. وتضمن مشروع القانون فصل طويل عن شروط وضوابط حيازة الكلاب في مصر، وكمان العقوبات المقررة قانونًا في حالة مخالفة أي من الشروط دي. تعالوا نعرف إيه هي القوانين والشروط دي علشان نتجنب أي مشاكل ممكنة.
تم وضع تنظيم تشريعي حظر لحيازة واقتناء أو تداول الكلب في مصر، فدلوقتي أي شخص عايز يبقى عنده كلب لازم يحصل على ترخيص من مديرية الطب البيطري المختصة وفق الشروط والاجراءات اللي بتحددها اللائحة التنفيذية للقانون، بحيث هتنشيء مديريات الطب البيطري سجلات إلكترونية أو ورقية بأرقام مسلسلة لقيد الكلاب المرخص بحيازتها، اللي هيكون فيها بيانات الكلب وصاحبه، ويسلم حائز الكلب لوحة معدنية بتحمل الرقم المسلسل لحيوانه.
اللي هيخالف القوانين دي ومش هيرخص الكلب بتاعه هيكون في عقوبات قانونية بتتراوح بين الحبس لمدة لا تقل عن 3 أشهر، ولا تزيد عن سنة، أو غرامة لا تقل عن 50 ألف جنيه، ولا تزيد عن الـ 100 ألف جنيه. والقوانين دي لا تشمل اقتناء القطط ولكن الكلب والحيوانات الخطرة بس.