وفاة رجل الأعمال المصري أنسي ساويرس عن عمر 91 .. أهم إنجازاته ونبذة عن حياته

توفى من ساعات قليلة رجل الأعمال المصري أنسي ساويرس، عميد عائلة ساويرس المشهورة، مؤسس شركة أوراسكوم، ووالد رجال الأعمال المعروفين نجيب ساويرس وسميح ساويرس وناصف ساويرس، بعد صراعه مع المرض عن عمر 91 سنة، عائلة ساويرس تعتبر رائدة في الأعمال في مصر وليهم إنجازات كتير في ريادة الأعمال، كل ده بفضل أنسي ساويرس، تعالوا نعرف عنه أكتر وعن إنجازاته.

اتولد أنسي ساويرس في أغسطس سنة 1930، وحصل على بكالوريوس الزراعة من جامعة القاهرة سنة 1950، لكنه بدأ حياته في سوق المال والأعمال، بشركة مقاولات اسمها “أنسي ولمعي” كانت بتعمل في تمهيد الطرق وحفر ترع الريّ، وتم تأميم الشركة جزئيًا في بداية الستينات، وبعد كده تم تأميمها كليًا، لكن أنسي فضل على رأس الشركة حوالي خمس سنين، لحد ما سافر ليبيا سنة 1966، واشتغل هناك في المقاولات قبل ما يرجع مصر في منتصف السبعينات.

وفي سنة 1976، أسس شركة “أوراسكوم للمقاولات العامة والتجارة” وبعد كده بقى اسمها “أوراسكوم للصناعات الإنشائية” ووسع نشاط شركته في الثمانينات والتسعينات، وبقت تشمل مجال السياحة والفنادق وخدمات الكمبيوتر وخدمات الموبايل، وبقت مجموعة من أكبر الشركات المصرية اللي بتحقق إنجازات كتير ولها دور كبير وفعال في ريادة الأعمال في مصر.

آخر كلمة: بننعي وفاة رجل أعمال كبير ومهم عمل طفرة في مصر..

تعليقات
Loading...