بعد نجاح مشروع الربط الكهربائي في السنين الأخيرة من مصر لبلاد مختلفة زيّ ليبيا والسودان والأردن، مصر بتسعى لمد شبكة الربط الكهربائي لدول أبعد، وبتقترب دلوقتي من توقيع عقود بناء شبكة لنقل الكهرباء مع المملكة العربية السعودية بتكلفة 1.6 مليون دولار، ومن المنتظر الانتهاء من المشروع في 2023، تعالوا نعرف أكتر عن تفاصيل المشروع وأهميته في العالم العربي واقتصاده.
وزير الكهرباء والطاقة المتجددة محمد شاكر أعلن إن مصر أوشكت على توقيع عقود بناء شبكة لنقل الكهرباء لربط اتنين جيجاوات مع المملكة العربية السعودية، ومن المقرر إن مصر تقوم بتمويل 40% من المشروع، والمملكة تقوم بتمويل الـ 60% المتبقية، والمشروع بيستهدف ربط شبكتي الكهرباء بين البلدين بكابلات كهربائية تمتد لمسافة 900 كيلومتر.
لحد دلوقتي، تقدمت 8 شركات بعروضها لإنشاء المشروع، وده ضمن المناقصة اللي تم طرحها في بداية سبتمبر، وتقدمت شركة الفنار السعودية بأعلى عرض حتى الآن، واللي بلغ 624.8 مليون دولار، أما شركة هيونداي إي سي الكورية الجنوبية تقدمت بأقل عرض حتى الآن، قيمته بلغت 446.8 مليون دولار. المشروع هدفه يكون محور أساسي في الربط الكهربائي العربي، اللى بيهدف لإنشاء بنية أساسية لتجارة الكهرباء بين الدول العربية، تمهيدًا لإنشاء سوق مشتركة للكهرباء.