قرارات جديدة من وزارة التربية والتعليم حول الثانوية التراكمية
أعلن الدكتور طارق شوقي وزير التربية والتعليم والتعليم الفني موافقة مجلس الوزراء على مشروع القانون الخاص بقواعد امتحانات الثانوية العامة التراكمية، وأكد إن النظام مش هيطبق على طلاب الثانوية العامة دفعة السنة دي 2020 – 2021، وإن كل الامتحانات هتبقى إلكترونية السنة دي لكل الطلاب النظاميين والخدمات والمنازل، وفقًا لنظام الثانوية العامة القديم اللي هو سنة واحدة من 410 درجة.
وده خلى الطلاب تتوتر وبتحاول تعرف إيه نظامها وهتطبق امتى، فتعالوا نعرف أكتر عن نظام الثانوية التراكمية.
قراءة المزيد
- النظام هيطبق على دفعة أولى ثانوي العام الدراسي المقبل، اللي هما طلاب تالتة إعدادي السنة دي.
- هيتم احتساب مجموع الطالب في الـ 3 سنين.
- النظام هيتعرض على مجلس النواب للموافقة.
- هيكون إجراء الامتحان لأول مرة في كل سنوات المرحلة الثانوية من غير رسوم.
- هيحدد الوزير نسب المجموع التراكمي على الـ 3 سنين، والحد الأقصى للمجموع اللي هيحتسب للطالب عنها.
- الامتحانات هتكون إلكترونية أو ورقية.
- الوزير هيحدد المواد اللي الطلاب هيمتحنوا فيها، وعدد المرات اللي يُسمح للطالب فيها بدخول الامتحان، ونظام الامتحانات، وتحديد النهايات الصغرى والكبرى لدرجات المواد الدراسية.
- لو رسب الطالب في مادة أو مادتين بالكتير من المواد العامة والمواد التخصصية بعد استنفاذ العدد المسموح به لمرات دخول الامتحان في كل سنة دراسية، هينتقل للسنة اللي بعدها، وهيعيد امتحاناته مع طلاب السنة المستجدين.
- أما لو رسب في مادة أو مادتين بالكتير بعد استنفاذ العدد المسموح به لمرات دخول الامتحان في السنة التالتة، هيتقدم لإعادة الامتحان في المواد اللي رسب فيها لمرة واحدة فقط في السنة اللي بعدها.
- الوزير هيحدد بعد موافقة المجلس الأعلى للتعليم قبل الجامعي الخطط والمناهج الدراسية، وضوابط وشروط التقدم ليها.