اتصدر فيلم (يوم 13) من بطولة الفنان المصري أحمد داود المركز الأول في الإيرادات بعد العيد، ووصلت أرباح الفيلم النهارده بس حوالي مليون ونص، وبكده حقق الفيلم لحد اللحظة أرباح بحوالي 14 مليون، وده اللي حطه في صدارة شباك تذاكر الأفلام في السينمات.
الفيلم اللي بدأ عرضه مع أول أيام العيد، وصل إجمالي إيراداته بعد أسبوع واحد من العرض لأكتر من 11 مليون، ومنهم 2 مليون خامس يوم عرض.
يعتبر فيلم يوم ١٣ أول فيلم روائي عربي يتعرض بتقنية الـ 3D في مصر، وبتدور أحداث فيلم يوم 13 عن البطل عز الدين، اللي بيقوم بدوره أحمد داود.
بيرجع عز الدين من برا مصر لقصر العائلة علشان يبيعه، وهناك يكتشف أسرار ماكانش عامل حسابها. وبيشارك داود في البطولة النجمة دينا الشربيني، ومعاهم الفنان شريف منير وأحمد زاهر وجوامان مراد ومحمود عبد المغني وأروى جودة ونسرين أمين ومحمد ثروت وفيدرا ومحمد كيلاني ومجدي كامل ونهال عنبر ونهى عابدين وجيهان خليل وإيناس كامل.
الموسيقى التصويرية للفيلم من تأليف الموسيقار العالمي هشام خارما، وسيناري وإخراج وائل عبد الله.