تفتكروا محمد رمضان صرف كام على الطواقي بس في كليب “مصباح علاء الدين”؟
في أجدد أغاني الفنان محمد رمضان “مصباح علاء الدين” واللي اتعملت كليب مكسر الدنيا دلوقتي وتريند على كل المواقع تقريبًا، كالعادة يعني لما رمضان أو “النمبر وان” زي ما بيحب يلقب نفسه بينزل أغنية جديدة أو فيديو كليب بيعمل ضجة ومشاهدات كتير، بس برغم الفيديو والإخراج والأغنية وكل الحاجات دي، لفت نظرنا حاجة غريبة شوية وهي الطواقي اللي لبسها رمضان في الكليب، آه ممكن تكونوا مستغربين من ده، وإننا ليه مركزين معاها، بس إحنا ركزنا علشان هما أكتر من واحدة بأكتر من ستايل، وكان بيغير في طريقة لبسهم كمان، فهل تعرفوا هما كام واحدة وسعر كل واحدة فيهم وماركتها؟ تعالوا إحنا نعرف ميزانية الطواقي اللي لبسهم محمد رمضان في الكليب كام تقريبًا..
عن: Dsquared2 ![]()
من ماركة Dsquared2 وسعرها 200 يورو.
عن: dsquared2 ![]()
من نفس البراند، بلون مختلف، بـ 150 يورو.
عن: Spy ![]()
أما دي نوعها fedora، لقينها على موقع Spy بـ 145 دولار.
عن: amazon ![]()
ودي لقيناها على موقع amazon لقيناها بحوالي 50 دولار.
عن: Hat Heaven ![]()
والكاب ده لقيناه على موقع Hat Heaven وسعره 40 دولار.
وكليب أغنية “مصباح علاء الدين” لحد اللحظة دي محقق أكتر 4 مليون مشاهدة على قناة محمد رمضان على اليوتيوب، وأكتر من 265 ألف لايك.