نجوم فيلم “ثانية واحدة” شاركونا كواليس مضحكة من الفيلم الجديد اللي مستنيينه، الفيلم من بطولة أحمد الفيشاوي ومصطفى خاطر ودينا الشربيني اللي تم اختيارها بعد ما اعتذرت هيفاء وهبي عن المشاركة في الفيلم، وبيشارك في الفيلم نجوم كتير بنحبهم زيّ محمود حميدة، وسوسن بدر، وفتحي عبدالوهاب، وبيومي فؤاد، وعلا رشدي، ونجوم مسرح مصر، دينا محسن (ويزو)، ومحمد أسامة (أوس أوس).
الفيلم بتدور أحداثه في إطار رومانسي كوميدي خفيف، عن شاب بيتعرف على فتاة وبيتسبب لها في مشاكل، بعدها بيتعرض لحادث يقلب حياته بشكل كبير، والفيلم من تأليف مصطفى حمدي، وإخراج أكرم فريد، وإنتاج محمد السبكي، وبدأ التصوير فيه من قبل عيد الأضحى اللي فات.
أحمد الفيشاوي نزل فيديو من كواليس الفيلم، كان بيحفظ فيه مشهد وبعدها بيتقلب لموقف مضحك وسط طاقم عمل الفيلم.
وكمان مصطفي خاطر شارك جمهوره من خلال صفحته على انستجرام، بفيديو بيظهر فيه هو والفيشاوي بيهزروا مع أحمد شيبة وهو نايم أثناء كواليس تصوير الفيلم، وكتب عليه “شيبه يا عيني جاي مطبق بس انا وفيشا معندناش رحمه”.
كمان المنتج محمد السبكي شارك الجمهور بفيديو من الكواليس، بروح الضحك والهزار بين أبطال الفيلم وهما بيقلدوا أصوات أطفال.