أول روبوت مصنوع بأيادي سعودية، (سارة) بتتكلم باللهجة المحلية السعودية، وظهرت بترحب بزوار معرض السعودية الرقمية اللي بيشارك في فعاليات مؤتمر (ليب0232) التقني الدولي في نسخته التانية اللي انطلقت يوم 7 فبراير وهتستمر ليوم 9 فبراير.
الروبوت (سارة) تقدر تتواصل مع جميع الزائرين وتتفاعل معاهم، وكمان تقدر على تأدية جميع الرقصات الشعبية والرد على استفسارات الزوار، وبيحتوي الروبوت (سارة) على كاميرا بتشتغل بالذكاء الاصطناعي، وتقدر تتعرف على المسافة بينها وبين الأشخاص اللي واقفين حواليها، وبتبدأ الحوار بعد ما الزائر يقول جملة: “هلا سارة”، وبتبدأ هي تقول “أنا سارة.. أول روبوت سعودي في العالم صُنع بأيادٍ سعودية وأتكلم معكم سعودي”.
الروبوت تم تصنيعها بالتعاون بين الشركة السعودية الرقمية وشركة (Qss)، وبتحتوي على نموذج مدرب مسبقًا يقدر يتعرف على اللهجات السعودية المختلفة، وتحليل الجمل وفهم محتواها، علشان يقدر على تقديم الجواب المناسب وإرساله على شكل نص.
انطلق مؤتمر (ليب 23) تحت عنوان (نحو آفاق جديدة) وبتنظمه وزارة الاتصالات وتقنية المعلومات، بالتعاون مع الاتحاد السعودي للأمن السيبراني والبرمجة والدرونز، وشركة تحالف.