بواسطة فرح أشرف.
متحف الغردقة الآثري رجع فتح أبوابه تاني بعد ما قفل بسبب جائحة “كوفيد-19″، اللي أجبرته يقفل بعد فترة قصيرة من افتتاحه. المتحف نفسه تم افتتاحه يوم 29 فبراير 2020، وهو أول متحف في مصر يُقام بالتعاون مع القطاع الخاص.
متحف آثار الغردقة موجود في جنوب مدينة الغردقة على مساحة 100 ألف متر بينها 3 آلاف متر لعرض القطع الأثرية اللي عددها 2000 قطعة أصلية بتكلفة إجمالية للإنشاءات 160 مليون جنيه.
مع تركيز قوي على “الجمال والرفاهية” في التاريخ المصري القديم للتاريخ الحديث. المتحف فيه أكتر من 1500 قطعة أثرية بيتم عرضها وفقًا لمواضيع مختلفة زي الحياة اليومية والرياضة والصور الملكية في مصر القديمة. ومش بس كده، لا ده كمان بيتم عرض عناصر أكثر تميزًا زي الرموز القبطية وصور اللوحات الزيتية وتمثال للملكة ميريتامون.
بالإضافة لده تم تجهيز المتحف بمجموعة مميزة من التماثيل واللوحات اللي بتدل علي الجمال والأناقة اللي كانت معروفة بها المرأة المصرية القديمة. وكمان في لوحة الأميرة فاطمة إسماعيل، وصندوق التوراة، ومجوهرات الأسرة العلوية. وحطام السفينة الغارقة «سعدانة» في ركن البحر الأحمر.
المتحف كمان فيه نسخة نادرة من القرآن الكريم من العصر العثماني بخط سيد علي النوري في سنة 1259 هجري (1843 م).
المتحف صمم وفقا لمعايير المتاحف العالمية و مصمم بطريقة مودرن وجميلة لجذب السياح و تنشيط السياحة المصرية .
آخر كلمة: لو كنت في الغردقة حاول تزور المكان لإنه فعلًا يستحق الزيارة.
