فيلم مصري عن حياة أختين في سن المراهقة في الدلتا للمخرجة المصرية أيتن أمين تم اختياره كواحد من الأفلام المشاركة في مهرجان كان 2020، وعلى الرغم من إعلان إلغاء فعاليات المهرجان بسبب فيروس كورونا المستجد، إلا إن إدارة المهرجان أعلنت بإنه من الصعب هجر ميدان السينما في وقت استثنائي زي ده.
على الموقع الرسمي لدورة كان الـ 73 تم نشر واللي ضمت 56 فيلم من ضمن 2076 فيلم تقدموا للمشاركة في المهرجان.
“سعاد”، الفيلم المصري الوحيد اللي تم اختياره ومن ضمن فيلمين بس من أصل عربي، هو من إنتاج مصري تونسي، قدم للمشاهد فرصة الدخول لعالم الأنثى في أقاليم مصر المهمشة. كل الممثلين في الفيلم مش من القاهرة، الشئ اللي كسر المركزية وإدانا نافذة على العالم بتاعهم.
المخرجة المصرية أيتن أمين عبرت عن فخرها وسعادتها لاختيار الفيلم للمشاركة في المهرجان ووصفته بإنه حلم بيتحقق وإنه مسعى لكتير من صناع الأفلام بسبب اختلاف المهرجان وتقديره للأعمال المختلفة عن السياق العام. الفيلم كان ليه تأثيره الشخصي على أمين اللي قالت في مقابلة مع البي بي سي إنه ساعدها تكبر على المستوى الشخصي.