حملة سياحية لأول مرة بفكر جديد بعيون مشاهير بنتابعهم كلنا، وزارة السياحة والآثار أطلقت حملة “اكتشف مصر” لتنشيط السياحة ونشر الوعي السياحي والآثري لكل فئات المجتمع بمختلف أعمارهم، علشان يعرفوا المقاصد السياحية المهمة في مختلف المحافظات المصرية، وده بمشاركة عدد من الشباب المدونين والمؤثرين اللي مهتمين بالسياحة والسفر وعندهم نسبة كبيرة من المتابعين على السوشيال ميديا، وبيقدروا يوصلوا لفئات كتير خصوصًا الشباب، اللي يعتبروا أهم فئة لازم يكون عندها وعي سياحي وآثري لبلده ويكتشف آثارها وتاريخها ومعالمها الجديدة ويساهم في تنشيط السياحة الداخلية، وفعلًا في أول أيام الحملة في أول رحلاتها شوفنا صور وفيديوهات بشكل مختلف بشكل يخلينا حابين نعرف أكتر عن الأماكن السياحية دي، تعالوا نشوف الأماكن دي بشكل مختلف.
من سفاري في الصحراء، لتقاليد جميلة في قرى، لركوب الخيل على البحر، ابتدت أول رحلات حملة “اكتشف مصر” في الفيوم، وشوفنا جمالها في الصور اللي بيوثق بيها الإنفلونسرز على صفحاتهم.
بصناعة الفخار في الفيوم، شوفنا لقطات من جوا مدرسة قرية تونس للفخار، وبنشوف منتجات مختلفة وجميلة بتتصنع بحب.
أما عن مدينة من أشهر ما في مصر، أسوان كان ليها طبعًا نصيب من الجمال ده.