أعلنت هيئة التراث في السعودية عن نجاح بعثة سبر الآثار التابعة للهيئة بقيادة 5 غواصين سعوديين، في الكشف عن حطام سفينة غارقة في البحر الأحمر مقابل سواحل محافظة حقل، وتم العثور من خلالها على المئات من القطع الأثرية اللي كانت جزء من حمولة السفينة.
واتمكن الفريق المتخصص في أعمال مسح التراث المغمور في البحر الأحمر من تحديد موقع حطام السفينة اللي بيبعد عن الشاطئ مسافة 300م، وتم توثيق المسح بمجموعة من الصور الفوتوغرافية ثلاثية الأبعاد.
التقارير الأولية بتقول إن السفينة اتعرضت لحادث اصطدام بالشعاب المرجانية أدت لتناثر أجزائها وسقوط حمولتها، وكشفت الأدلة إن رحلة السفينة كانت في أواخر القرن الـ18 الميلادي! وهي دي الفترة اللي اتعرفت بكثرة رحلات التجارة البحرية في البحر الأحمر .وده معناه إن السفينة المكتشفة سبقت تيتانيك الشهيرة بـ200 سنة!
ومن المفترض إن هيئة التراث تشتغل مع عدد من الجامعات المحلية والبعثات الدولية على دراسة الموقع والتعرف على حجم البقايا الأثرية اللي موجودة في المكان وتاريخها، ومقارنتها بالأبحـاث والدراسات اللي قبل كده.
والقصة دي رجعتنا تاني بالذكريات للكلام عن سفينة تيتانيك اللي عدى على حادثة غرقها أكتر من 109 سنة واتسببت في موت أكتر 1500 شخص، السفينة كان عليها أكتر من 2223 راكب بجانب طاقم السفينة، ومن بين 2223 شخص على ظهر السفينة، غرق 1517 شخص بعد التصادم مع جبل الجليد. بس غرقها اتحول لحدث تاريخي الناس بقت تفتكره واتعمل منه أفلام وثائقية وكتب وأفلام درامية اللي بتتكلم عن واحدة من أعظم السفن في التاريخ.