أخبار كتير ظهرت على السوشيال ميديا بتقول إن سفاح الإسماعيلية، الشهير بدبور، أخد حكم تلات سنين بس في قضية قتل مواطن وقطع رأسه في واحد من شوارع الإسماعيلية في نهاية سنة 2021.
وبدأت الناس تسأل وتستغرب ازاي الجريمة البشعة دي يكون عقابها تلات سنين بس. ولما دورنا في الخبر ده لقيناه صحيح جزئيًا:
حيث صدر من محكمة جنايات الإسماعيلية، برئاسة المستشار هانى فتحى عباس مطاوع، امبارح الإثنين، حكمها بالسجن المشدد 3 سنين على المتهم عبد الرحمن نظمي محمد إبراهيم، الشهير بـ”دبور”، والمعروف باسم “سفاح الإسماعيلية”، لإدانته بتعاطي المواد المخدرة.
سفاح الإسماعيلية أخد تلات سنين سجن
ومن الجدير بالذكر إن المتهم اللي ارتكب “مذبحة الإسماعيلية” واللي فصل رأس مواطن عن جسمه، كان صدر حكم بإعدامه شنقًا بعد إدانته بقتل المواطن أحمد محمد صديق، وألزمته المحكمة بدفع 100 ألف جنيه لأسرة المجني عليه في الدعوى المدنية، وألزمته بدفع 200 جنيه، بالمصروفات المدنية ومصروفات الدعوى الجنائية، وده بتاريخ 5 يناير الماضي.
وكانت محكمة “جنايات الإسماعيلية” برئاسة المستشار أشرف محمد علي، رئيس المحكمة، وعضوية المستشارين ولاء وجدي طاهر، وأحمد سري الجمل، وأمانة سر هيثم عمران، وبحضور رئيس النيابة، مصطفى أحمد زكري، قضت بإحالة أوراق المتهم “عبدالرحمن”، الشهير بـ”دبور”، لمفتي الجمهورية، علشان ياخدوا الرأي الشرعي في إعدامه.
ودبح “دبور” مواطن وفصل رأسه عن جسمه ومثّل بجثته قدام الناس في واحد من شوارع الإسماعيلية، وأيد المفترض القرار بإعدام المتهم.
اعترافات الدبور
اعترف “دبور” خلال محاكمته إنه استخدم سلاح أبيض وطعن به المجني عليه أكتر من مرة، وأضاف: “(أحمد) حاول يبعد عني بس أنا جريت وراه وضربته بالسلاح أكتر من مرة، وطلعت السكينة الكبيرة وضربته أكتر من طعنة”.
وقال: “هي طلبت معايا كده لإني كنت شارب قبلها مخدر الشابو، وقعدت أضربه كذا ضربة على راسه وجسمه وأكتافه، لغاية ما وقع على الأرض، وفضلت برضه مكمل بالسكينة الكبيرة على راسه وجسمه ورقبته”.
وتابع: “كان في واحد راكب عجلة عمال بيحجز وبيقولي خلاص أنا ماركزتش معاه، وفضلت أكمل ضرب في أحمد، وبعدها رحت مسكت السكينة الصغيرة فصلت بيها رأسه عن جسمه، وأخدت راسه ومشيت بيها في شارع طنطا”.