في حملة مشددة، إغلاق سوق الجمعة في منطقة التونسي في السيدة عائشة، بحي الخليفة، ومنع تداول أو بيع الحيوانات البرية أو الإتجار بها، والحيوانات اللي تم ضبطها مع البائعين بيتم تسليمها لحديقة الحيوانات، مع تعليمات مشددة من محافظة القاهرة على مسئولي حي الخليفة بالمرور الدوري على المنطقة دي لضبط أي مخالفات أو تواجد خاص ببيع الحيوانات البرية، وتعيين خدمة شرطية في المنطقة بالتنسيق مع مديرية الأمن، وده علشان يأكدوا على أهمية تفيذ قرار كبير زيّ ده علشان يحافظوا على الحيوان والبيئة والإنسان.
في اليوم اللي بيوافق اليوم العالمي للحيوانات، بنشوف قرار زيّ ده للمحافظة على الحيوانات البرية ومنع بيعها في سوق الجمعة في الشارع، واللي تم العثور عليهم في حالة سيئة وتواجدهم بأقفاص ضيقة تم وضعهم فيها بواسطة البائعين، اللي بيبيعوها بمخالفة القوانين المصرية، وفي ظروف غير مقبولة. وفي الحملة، تم ضبط 8 ثعابين متنوعة الحجم و4 زواحف و3 طيور و3 تماسيح متنوعة الحجم و3 سلاحف.
القرار ده تم تنفيذه حفاظًا على صحة المواطن ومراعاة للصحة العامة، وتنفيذًا لتوجيهات رئيس الجمهورية ووزير التنمية المحلية بحماية ومنع تداول أو بيع الحيوانات البرية أو الإتجار فيها. وده هيساعد بشكل كبير في حماية الحيوانات البرية والحفاظ عليهم من الانقراض.