أدم هو طفل مصري صغير، بيحب مصر جدًا، ونفسه يكون مرشد سياحي لمصر، وبالفعل حقق ده، وبقى أصغر مرشد سياحي في مصر عن طريق صفحته على الفيسبوك، أدم بيسافر، وبيزور مناطق كتيرة في مصر، وبيصورها، وبيشرح الأماكن دي، وينزل صور وفيديوهات عنها على صفحة الفيسبوك.
أدم اتشهر بسبب محتواه الجميل، والمفيد، واستضافوه في برنامج على التليفزيون المصري، وقال أنه بيسافر مع والدته تبع شغلها، وأنه حوش من مصروفه، واشترى ميكروفون علشان يعرف يعمل فيديوهات بصوت نقي، وواضح، وجميل. ومن الأماكن اللي زارها: بورسعيد، وقصر البارون، وقلعة النسور.
أدم بيشجع بكلامه في فيديوهاته عن السياحة في مصر بشكل لطيف، وجميل، وبيبين قد ايه هي بلد منتعشة بالأماكن، والمناطق الممتعة، وبيحكي القصص، والتاريخ اللي ورا الأماكن دي، ويوصفها بشغف، وببساطة زي فيديو “النيل سر الحياة” اللي وضح فيه مختلف الأنشطة الجديدة اللي ممكن تتعمل في نهر النيل.
أدم زار مناطق كتيرة جدًا، ونفسه يزور مصر كلها، ويعيد زيارتها تاني، وبيصرح دايمًا على صفحته أن مصر بلد جميلة، ومليانة نعم، وفي نظره مفيش بلد تفوق على جمال مصر.