في الدورة الرابعة لمهرجان الجونة السينمائي 2020، ظهر بعض الفنانين والفنانات مع أبنائهم وبناتهم لأول مرة بشكل جميل وملفت للنظر، بدأها آسر ياسين بدخوله على السجادة الحمراء للمهرجان في حفل الافتتاح مع أولاده الاتنين ومراته، وكان ده الظهور الأول لأولاده بالمهرجان، وخطفوا الأنظار بجمالهم، وبعدها اتكرر ظهور أبناء الفنانين.. تعالوا نشوف مين هما وازاي ظهورهم لفت الأنظار.
آسر ياسين وأولاده
اللي ظهورهم كان مفاجأة افتتاح المهرجان، وقدروا بجمالهم يخطفوا الأنظار على السجادة الحمراء، آسر ظهر قبل كده في مهرجانات على السجادة الحمراء مع زوجته، لكنها المرة الأولى اللي يظهر فيها أولاده الاتنين أمين وطاهر في مهرجان الجونة.
رانيا يوسف وبنتها نانسي
بظهور أثار الجدل، ظهرت رانيا يوسف في حفل ختام الدورة الرابعة لمهرجان الجونة، بصحبة بنتها نانسي، اللي لبست نفس فستان والدتها اللي أثار الجدل في مهرجان الجونة السنة اللي فاتت، وقالت رانيا إنها بتحب تلبس حلو وبناتها بيشجعوها وبيختاروا معاها فساتينها.
وفاء عامر وابنها عمر
وبرضه في حفل الختام، ظهرت الفنانة وفاء عامر مع ابنها عمر على السجادة الحمراء، واللي بيعتبر أول ظهور لعمر في مهرجان الجونة.
ياسمين أبو النجا ابنة نجلاء فتحي
ظهرت ياسمين أبو النجا، بنت الفنانة نجلاء فتحي، مع زوجها المخرج خضر محمد خضر، في ظهور رومانسي على السجادة الحمراء، وبلفتة رومانسية فضلت تريند المهرجان، لما ظهر خضر وهو شايل الجزمة عن ياسمين، والناس اتكلموا كتير عن الصورة وعن شكلهم الجميل سوا.