كنا لسه ماخلصناش كلامنا عن المتحور الجديد اللي ظهر وقلب الدنيا “أوميكرون” ولسه مش عارفين مدى تأثيره هيبقى عامل ازاي. كانت لسه المنظمات الصحية والهيئات المعنية شغالة على الموضوع ولسه بتكتشف حاجة جديدة مش معروفة. واحنا في وسط كل ده، سمعنا عن خبر جديد بيقول إنه تم اكتشاف متحور جديد وأخطر من أوميكرون! أخطر من اللي احنا كنا خايفين منه!
وده كان بحسب تصريح من موقع شبكة CNBC الأمريكية، إن المتحور الجديد نشأ في الكاميرون وتم رصده في فرنسا، والتقارير الأولية بتقول إنه أخطر من أوميكرون!
IHU نسبة للأحرف الأولى لاسم جامعتهم اللي تم اكتشاف المتغير الجديد فيها. وقالوا إن ممكن يكون أكتر قابلية للانتقال ونشر العدوى وأكتر مقاومة للقاحات. وإن لحد دلوقتي تم رصد 12 حالة في فرنسا مقارنة بـ100 ألف حالة لأوميكرون.
والخطورة الحقيقة هنا إن المتحور الجديد بيمتلك 46 طفرة! بينهم 14 طفرة موجودين على بروتين سنبلة الفيروس، على عكس التاني اللي كان 10 طفرات بس!. وإنه يعتبر نوع مختلف من الفيروس لإنه بيحتوي على تغيرات كتيرة في جيناته أكتر من كوفيد-19 نفسه.
واحدة من طفراته اسمها E484K بتسمح للفيروس بالهروب من استجابة الجسم المضاد لجهاز المناعة البشري. ده معناه إنه ممكن يبقى عنده القدرة على إصابة الأفراد بسهولة أكتر من المتغيرات التانية. ده غير إن الطفرة دي بالتحديد موجودة في سلالة ألفا وبيتا وجاما. معنى ده إنه هيبقى أكتر مقاومة للقاحات. نتمنى إن الكابوس ده ينتهي في أسرع وقت ويتم السيطرة بدون زيادة في الخسائر.