بتدور على حاجة تسهلك تعاملاتك المالية؟ احنا جبنالك الحل

كل يوم بيظهر حاجة جديدة بتسهل علينا حياتنا وبتوفر الوقت علينا وبتقلل من المجهود اللي بنحتاج نبذله في كل حاجة، والعالم كله ماشي ناحية الحياة المتقدمة تكنولوجيًا والعالم الرقمي. وفي السنين الأخيرة، شوفنا مصر كمان بتتجه ناحية التطور التكنولوجي والرقمي ده، وشوفنا مبادرات مختلفة من الحكومة في الاتجاه ده، زي البنوك اللي بقى ليها منصات أونلاين والوزارت اللي بقى ليها تطبيقات تقدر تنزلها وتستخدمها من على تليفونك.

ومن أهم مظاهر التطور التكنولوجي ده هو إن الموبايل بقى هو المحفظة بتاعتنا، وتقدر من خلاله إنك تقوم بأي تعاملات مالية بمجرد دوسة واحدة، ومن ضمن الحاجات اللي طلعت جديدة وتقدر تعمل كل ده هي Aevapay، أحدث منصة مصرية بتقدم وسيلة دفع جديدة هتسهل عليك مشاوير كتير كانت تقيلة على قلبك. وبكده، أبليكشن Aevapay بيلعب دور كبير ومهم في تطوير مصر وتقدمها.

إيه هو Aevapay؟

من وأنت في بيتك ومن خلال موبايلك، تقدر تعمل كل تعاملاتك المالية؛ تقدر تدفع فواتيرك، ورسوم المدارس والجامعة والأقساط اللي عليك، وتقدر تدفع لشركات التأمين والنقل، وكمان تبعت هدايا لأصحابك، وكده هتترحم من مشاوير البنك والوقفة في الطوابير، وكل ده من خلال أبلكيشن واحد.. ضيف فلوس في حسابك وعيش!

ومش بس كده، Aevapay بيوفرلك طريقة سهلة لتأمين التعاملات المالية اليومية بتاعتك، مش هتحتاج يكون ليك حساب في البنك علشان تعمل المعاملات المالية دي، ولا هتحتاج تمشي بفلوس كاش، وبكده هينقذك في المرات اللي بتنسى فيها محفظتك أو اللي بتحتاج فيها فكة ومش بيكون معاك. وAevapay موجود في كل أنحاء الشرق الأوسط وشمال إفريقيا، وهدفه هو تبسيط حياتك.

حتى التسجيل على تطبيق Aevapay مش هتزهق منه، بالعكس التسجيل سهل وسلس ومفهوش خطوات كتير. وفي طرق كتير تقدر تحط بيها فلوس في التطبيق، وأسهلها وأبرزها هي إنك تقدر تعمل ده من خلال فوري. ولما تيجي تشتري حاجة، مش هتحتاج بقى تطلع محفظتك وتدور على فكة ولا هتبقى قلقان إنك شايل فلوس كتير معاك، هي بدوسة واحدة أو scan هتدفع وتمشي.

هدف ورؤية Aevapay

بيهدف Aevapay إنه يكون الحل الجديد للعملاء علشان يبعتوا فلوس أو يستقبلوا الفواتير، وكمان زيادة الفلوس اللي بتحوشها.

أما عن رؤيتهم فهي: “بناء تطبيق دائم ومستدام لخدمة المال يركز على العملاء ودفع الفواتير”.

مين شركائهم؟

• Club House in Smouha Club
• Balbaa Pharmacy 
• L’Oreal Booths
• HollyBelly 
• Wallen’s Cafe
• Harris Cafe
• Saraii
• Dokkan Samak

تعالوا نتعرف أكتر على فريق Aevapay

آسر فوزي

آسر هو الرئيس التنفيذي أو CEO ومؤسس للشركة، عنده خبرة أكتر من ست سنين في مجال تحليل السوق وتقنيات الـBlockchain ومنتجات الـتكنولوجيا المالية والإدارة، ده غير إنه مستثمر فعال في مجال التكنولوجيا المالية وتكنولوجيا النقل.

محمد الحلو

محمد هو رئيس قسم التكنولوجيا أو CTO في الشركة، وعنده خبرة أكتر من 10 سنين في مجال المحافظ المتنقلة ومنصات الدفع، وهو كمان حاصل على شهادات PCI DDS. وكمان عنده خبرة كبيرة في مجال التكنولوجيا والمنتجات الرقمية وتطبيقات أجهزة الموبايل ، وخبرة في إدارة المنتجات الضخمة والتحول الرقمي، ويقدر يدير ويحافظ على أكتر من خمسة مليون مستخدم نشيط يوميًا.

عمر الوليلي

عمر هو رئيس قسم المشتريات أو CPO في الشركة، وهو مستشار إدارة المنتجات في مجال fintech بخبرة أكتر من 4 سنين، وعنده خلفية هندسية قوية في مجال التحليلات وتطوير الأعمال. ده غير إنه اشتغل بشكل رئيسي مع الشركات الصغيرة والمتوسطة والناشئة في بناء محافظ تطبيقات الهاتف المحمول وأجهزة الصراف الآلي وأنظمة الدفع.

مع Aevapay مش هتحتاج تشيل فلوس بعد كده في جيبك.. كل ده هيبقى بدوسة واحدة بس. ولو عاوز تعرف معلومات أكتر عنهم، ممكن تزور الموقع بتاعهم، أو فيسبوك، أو إنستجرام.

أخر كلمة: ماتفوتوش قراءة: إيه تأثير زرع شريحة إلكترونية تحت الجلد للدفع والتعاملات البنكية؟