مرسى مطروح وجهة محبوبة جدًا خلال فصل الصيف سواء من المصريين أو الزوار الأجانب، وده بسبب جوها الجميل وإمكانيات الغوص الكبيرة اللي في بحرها.
ومع بداية فصل الصيف، بدأت هيئة السكة الحديد تجهز قطار خط (القاهرة-مرسى مطروح) علشان تخدم على سفريات المصيفين اللي يتقدر عددهم بالآلاف، ضمن خطة الهيئة لتنشيط السياحة الداخلية.
وشغلت الهيئة قطارين بيقوموا من مرسى مطروح للقاهرة يوميًا، واحد بيقوم من مرسى مطروح الساعة 11 مساءً وبيوصل القاهرة الساعة خمسة وربع صباحًا، والتاني بيقوم من مرسى مطروح الساعة أربعة وربع مساءً، وبيوصل القاهرة الساعة 12 منتصف الليل.
وشغلت الهيئة قطارين بيقوموا من القاهرة لمرسى مطروح يوميًا، الأول بيقوم من القاهرة الساعة 11 ونص مساءً، وبيوصل مرسى مطروح الساعة سبعة صباحًا، أما القطار التاني فبيتحرك من القاهرة الساعة ستة إلا ربع صباحًا، ويوصل القاهرة الساعة اتنين إلا ربع بعد الظهر.
وبتتوقف القطارات في خطوط المحطات التالية: بنها، طنطا، دمنهور، محرم بك، برج العرب، الحمام، العميد، العلمين، سيدى عبد الرحمن، الضبعة.
ومن خلال الدخول على موقع الحجز الجديد في السكة الحديد، تقدر تحجز تذكرة القطار من الرابط ده.