وكعادة السوشيال ميديا بعد نزول أي فيلم دور العرض، بنلاقي بعد أيام قليلة، بيبدأ الفيلم إنه ياخد حظه في التعليقات والنقد، ولإن جمهور السوشيال ميديا أحيانًا كتيرة بيبقى نقده لاذع، بس لما تلاقي ردود فعل إيجابية، اعرف إن الفيلم يستاهل، وردود الأفعال في الفترة الأخيرة كانت من نصيب فيلم موسى، وكانت معظمها ردود فعل إيجابية.
واللي وصفوا الفيلم فيها بإنه تكملة لنوع من أعمال الخيال العلمي، كان بدأها يوسف الشريف، وأشادوا بالتصوير والإخراج وبموهبة الفنان كريم محمود عبد العزيز، واللي بيمتلك قدرات تمثيلية مختلفة، بس لو اتوفرله الظروف ومقومات العمل الناجح، زيّ والده الفنان الراحل محمود عبد العزيز.
كتير قالوا إنه حاجة جديدة في السينما المصرية، وكمان أكدوا إن الفيلم شدهم وشجعهم يتفرجوا من جديد على السينما المصرية أو السينما العربية عامةً بعد ما كانوا متجاهلينها أو مش مهتمين بيها، ومركزين مع السينما الأجنبية بس.
تعالوا نشوف ردود أفعال فيلم موسى الإيجابية من هاشتاج تويتر.
الفيلم أخد تقدير كبير أوي من الجمهور على السوشيال ميديا اللي في وقتنا ده تقريبًا بتكون من الحاجات المهمة اللي بتقيم أي عمل فني، اتقال عليه فيلم عالمي وعبقري وهادف.. نقدر نقول إن فيلم موسى كسب نجاحه خلاص.
آخر كلمة: ماتفوتوش قراءة: بعد فيلم “200 جنيه”، ازاي اختلفت وسائل الترويج للأعمال الفنية في زمن السوشيال ميديا؟