بواسطة فرح أشرف.
كلنا عندنا قطعة في الدولاب منقدرش نستغنى عنها سواء ولد أو بنت، القطعة دي هتكون البنطلون الجينز بلا منازع. الجينز لكل الناس، بس قصاته وتصميماته المختلفة مش لكل الناس، عشان كده ساعات ممكن نشوف بنطلون جينز شكله تحفة ولما نيجي نشتريه بنلاقيه طويل أو قصير أو واسع أو ضيق أو متخننا أو مرفعنا، في حاجات بسيطة لو خدنا بالنا منها وإحنا بنشتري هنكون قربنا لأفضل ستايل يناسبنا سواء ولد أو بنت.
في المقالة دي هتعرف كل اللي محتاج تعرفه قبل ما تنزل تشتري بنطلون جينز من إزاي نختار لموديلات الجينز والأجسام المناسبة ليها
إعرفوا نوع وشكل جسمكم
قبل ما نشتري أي بنطلون لازم نبقى عارفين نوع شكل جسمنا، سواء شكل الكمثرى أو شكل الساعة الرملية أو الجسم المستقيم. قصات الجينز المختلفة إتعملت عشان تناسب كل الأشكال المختلفة لكل الأجسام.
دوروا على الجينز اللي بيكمل نقاط القوة في جسمكم
الجينز طريقة رائعة لإظهار جسمنا، وفي طرق كتيرة ومبتكرة عشان نلاقي الجينز اللي بيكمل جسمكم ويبرز اللي إنتك حابين تبرزوه من الجسم، على سبيل المثال عشان تحصلوا على على أرجل طويلة ورفيعة، دوروا على البنطلون الجينز الضيق اللي بيكمل الرجل أولو حابين دعم في منطقة المعدة، فاختاروا قصة عالية بتخلي الوسط يبان بشكل صغير.
استثمروا في الجودة
الجينز هو عنصر أساسي في الموضة ممكن يستمر لسنين، عشان كده أحسن حل هو الاستثمار في الجودة اللي هتصمد قدام الزمن؛ أفضل اختيار من ناحية الجودة بيكون الكلاسيك جينز بس بيكون أقل عصرية، ولكن من المهم إنه يكون موجود دايمًا في دولابك.
خلي على طول في دماغك الخامة تكون كويسة عند اختيار الجينز التاني. ابعد عن أي شيء مقيد أو خشن. أفضل الدنيم هو اللي بيكون ناعم الملمس وفيه شوية تمدد من غير ما يكون بلا شكل.
من خلال الاستثمار في الجينز عالي الجودة هيكون عندك سنين كتيرة من الأناقة في دولابك.
جرب ستايلات مختلفة
التجربة عمرها ما هتخسرنا حاجة، جرب ستايلات مختلفة على حسب الموضة وشوف أنهي واحد ماشي مع تفاصيل جسمك، وفي أشكال من الدنيم كتيرة زيّ الدنيم الأزرق التقليدي وهو مثالي للمظهر اليومي ومش بيخرج عن الموضة أبدًا. الدنيم الأسود هو مظهر تاني يتلبس على طول سواء بالنهار أو بالليل، وبيُفضَل لما يكون اللون الغامق أكتر رسمية.
اختار تصميم يخليك واثق في نفسك
أهم شيء في اختيار البنطلون المناسب من الجينز هو اختيار المقاس اللي بيخليك تشعر بالثقة والجمال في جسمك. الجينز هو نوع من الملابس التي يمكن لبسه كل يوم تقريبًا ويمكن لبسه مع أي شيء تقريبًا في دولابك ، اعتمادًا على المناسبة. تأكد من اختيار بنطلون جينز اللي بيخليك تحس بالراحة والثقة.
