5 حاجات محتاج تعرفها عن أبديت الواتساب الجديد بعد 15 مايو

بعد القلق اللي عمله تحديث الواتساب في الشهر اللي فات، ولقينا إنه اتأجل، والجدل ده كان بسبب الكلام اللي انتشر عن تغيير سياسة الخصوصية بتاعته وإنه الموضوع فيه تجسس كمان، وعلشان لو ماوافقتش على الشروط الجديدة للخصوصية مش هيكون متاح ليك استخدام الأبلكيشن وحسابك كله هيتقفل، واتأجل الأبديت ليوم 15 مايو، لكن هل السياسات دي اتغيرت؟ وإزاي هنتعامل مع الحاجات الجديدة اللي هتكون موجودة؟ علشان كده هنقولك حاجات محتاج تعرفها لو مش هتوافق على الأبديت.

واتساب مش هيمسح حسابك على طول

عكس اللي انتشر، الشركة قالت إنه في حالة إنك ماوافقتش على الأبديت الجديد مش هيتم مسح حسابك بعدها على طول، لكن هيتم تقييد الوصول وده علشان يمنحك وقت كافي لمراجعة التغييرات في الوقت اللي يناسبك، وده هيكون لحد يوم 15 مايو، لكن لو ماوافقتش لحد يومها، برضه مش هيتم مسح حسابك نهائيًا، بس بعد 120 يوم من التاريخ ده هيتمسح الحساب خالص، وفي الفترة دي مش هيكون ليك المميزات الكاملة للتطبيق لحد ما تقبل السياسات الجديدة.

هيتم إزالة المستخدمين من الجروبات

عن: iStaunch

هيتم مسح وإزالة المستخدمين اللي مش هيقبلوا السياسات الجديدة من كل جروبات الواتساب اللي هما فيها في الوقت الحالي، يعني الانضمام لجروبات على الواتساب هيكون ميزة مش هيحصل عليها غير اللي يقبلوا بالسياسات الجديدة.

مش هينفع تستعيد الحساب

عن: Clean FM

الشركة صرحت بإنه لو الحساب اتحذف نهائيًا، مفيش أي إمكانية لاستعادته، ودي حاجة ماينفعش تتغير، علشان كده لازم تاخد قرارك قبل يوم 15 مايو، علشان بعدها لو حسابك اتحذف مش هينفع ترجعه.

نسخة واتساب الاحتياطية هتتمسح

المستخدمين للواتساب هيفقدوا النسخة الاحتياطية بالكامل، لكن عندك اختيار إنك تحتفظ بالنسخة الاحتياطية من حسابك لحد قبل 15 مايو.

المميزات اللي هتحصل عليها بعد 15 مايو

عن: Pink Link

في حالة إنك ماوافقتش بسياسات الأبديت الجديد، حسابك مش هيتحذف مباشرة زيّ ما قولنا، وهتفضل ليك مميزات لحد ما تقبل الأبديت الجديد، المميزات دي هتكون إنك تقدر تستقبل الرسايل والمكالمات والإشعارات، لكنك مش هتبقى عندك إمكانية الرد عليهم أو قراية الرسايل نفسها من الأبلكيشن، أيوة بالظبط زيّ الصورة اللي حاطينها كده.

آخر كلمة:ماتفوتوش قراءة: واتساب غيّر سياسته للخصوصية.. ده معناه إيه لينا؟

تعليقات
Loading...
Tweet
Share
Share
Pin