5 تطبيقات هتساعد الأمهات في رعاية أطفالهم بشكل أحسن

خصوصًا لو أنت لسه جديدة في الأمومة، وحاسة إنك متلخبطة وسط المهام المطلوبة منك لرعاية طفلك، ومش عارفة تنظميهم ولا تنظمي وقتك، وعايزة تقدمي أحسن عناية ورعاية للطفل، في applications أو تطبيقات هتساعدك تنظمي مهماتك وأوقاتهم على مدار اليوم، من رضاعة لنصائح عن التغذية ونمط النوم، لحد صور طفلك وذكرياتكم سوا. التطبيقات دي هتساعدك في تنظيم مهام يومك ليكي ولطفلك.

Baby Connect

الأبلكيشن ده هيساعدك على تتبع جدول أكل ونوم الطفل، ودرجة حرارته وحالته المزاجية، لإنه كمان بيقوم بتخطيط وجدولة البيانات اللي بتدخليها على شكل رسم بياني. متوفر على جوجل بلاي وآب ستور.

Baby Monitor 3G

علشان تكوني شايفة طفلك وسامعاه من على بعد، الأبلكيشن بيستخدم أي شبكة واي فاي أو 3G، وعن طريق إنك هتسخدمي جهازين عليهم التطبيق ده، وتسيبي موبايل منهم في غرفة الطفل، والتاني يكون معاكي، فتقدري تتواصلي مع طفلك عن طريقه.

Baby Feed Timer

أما ده هيساعدك تنظمي مواعيد الرضاعة وتعرفي آخر مرة رضعتي فيها طفلك، وكمان مدة الرضاعة. متوفر على جوجل بلاي و آب ستور.

Baby Tracker Nursing

عن: google play

ده كمان هيساعدك في تنظيم أوقات الرضاعة بجدول فيه توقيت بدايتها والانتهاء منها، وكمان ده هيساعدك بشكل كبير لو عندك توأم، وموجود على جوجل بلاي وآب ستور.

White Noise Baby

أما الأبلكيشن ده هيفيدك في تهدئة الطفل أو نومه، لإنه متوفر عليه أصوات مختلفة زيّ صوت هدير المياه أو أصوات العربيات، والأصوات دي هتشغل طفلك عن إنه يعيط، كمان فيه خاصية تجنب الأصوات دي وقت نوم الطفل، وكمان خاصية الاهتزاز مع الأصوات، علشان يجذب الطفل.

آخر كلمة: ماتفوتوش قراءة: جمعنالكم تطبيقات هتساعدكم تحموا أطفالكم على الإنترنت..

تعليقات
Loading...
Tweet
Share
Share
Pin