12 من مشاهير العالم بتاتوهات عربية

  اكتشفنا بالصدفة -وكانت مفاجأة بالنسبالنا- إن الوشوم باللغة العربية منتشرة جدًا ومشهورة في عالم الأغنياء والمشاهير بالرغم من كون الفكرة مش منتشرة بين العرب نفسهم. الحروف العربي برسوماتها المبدعة أصبحت موضة جديدة لمشاهير العالم من دول كتير.

في الصور الجاية هتلاقي 12 من أبرز مشاهير العالم اللي عاملين تاتو باللغة العربية ومعنى كل وشم فيهم.

أنجيلينا جولي

الممثلة الشهيرة أنجيلينا جولي عندها عدد من التاتوهات على كل حتة في جسمها، بس التاتو اللي مكتوب بالعربي هو أكتر واحد فيهم بيعبر عن ست بمواصفاتها. “العزيمة” هي الكلمة اللي مكتوبة زي ماهو واضح في الصورة، وطبعًا مافيش كلمة أحسن من كده توصف الإنسانة الرائعة دي!

زوي سالدانا

الممثلة الأمريكية زوي سالدانا عندها تاتو مثير للإعجاب على قدمها اليمين لو ركزت فيه هتلاقي إن الكلمة الأولي والتالتة بس هما اللي بالعربي. الكلمة الأولى “أريد” والتالتة “أسألها” أما التانية فهي كلمة غير عربية ومش معروف بالظبط أصلها لكنها مكتوبة بالحروف العربية “يو”.

سيلينا جوميز

“أحب نفسك أولًا” هي نصيحة الفنانة سيلينا جوميز اللي كلنا مفروض نعمل بيها!

كيم ريدر

المغنية البريطانية واللي كانت سابقًا شاعرة وملحنة كتبت على كتفها الأيسر أسامي أبنائها الاتنين “ديفيد” و”إميلي”.

زوي كرافيتز

للأسف حاولت الممثلة زوي كرافيتز إنها تعمل تاتو باللغة العربية لكنه طلع غير دقيق لغويًا فكتبت “دع الحب القاعدة” بدل “اجعل القاعدة الحب” أو “دع الحب يحكم”.

زلاتان إبراهيموفيتش

اللاعب السويدي الشهير زلاتان إبراهيموفيتش من شدة حبه لاسمه قرر إن هو يوشم إيده للأبد بحروف اسمه باللغة العربية.

كولين فاريل

من ضمن الوشوم الكتير اللي زين ممثل هوليوود الشهير كولين فاريل بيها جسمه هتلاقي وشم بالعربي منحوت على دراعه الأيسر بكلمة “الحرية”.

زين مالك

مغني فرقة “وان دايركشن” الأمريكي زين مالك قرر إنه ينحت اسم جده “والتر” على جسمه بحروف عربية في لفتة إنسانية طيبة منه.

كريستينا بيري

من المشاهير كمان هنلاقي المغنية الأمريكية كريستينا بيري اللي نحتت على دراعها الشمال كلمة “مكتوب” اللي بنعتقد إنها تقصد بيها المصير.

مايكل كلارك

من الحاجات الغريبة اللي لقيناها هي جملة كاملة منحوتة باللغة العربية على دراع لاعب الكريكيت الأسترالي السابق مايكل كلارك، في الصورة هتقدر تشوف النص التاني من الجملة وهي “مثل الألم من خيبة الأمل” لكننا مش متأكدين من النص الأول.

ليونا لويس

لحسن الحظ إننا بنقدر نقرأ ونفهم اللغة العربية فقدرنا نفهم التاتو اللي بيعتبر لغز شوية بالنسبة للناس في الخارج، وهو التاتو اللي وضعته المغنية البريطانية ليونا لويس على إيدها اليسرى بكلمات أغنية فيروز الشهيرة “أنا لحبيبي وحبيبي لي” وهو تعبير عن الحب الشديد.

ريهانا

من التاتوهات المشهورة كمان هو التاتو اللي نحتته المغنية الأمريكية الشهيرة ريهانا على جنبها الأيسر واللي مكتوب فيه “الحرية في المسيح”.

آخر كلمة: شكل الخط العربي من أحلى الأشكال اللي ممكن يترسم بيها التاتو.