وزير الخارجية المصري: منع تركيا ظهور الإخوان المسلمين على الميديا خطوة لتحسين العلاقات بين البلدين
في مكالمة هاتفية يوم 4 يوليو 2021، على برنامج كايرو والناس على قناة القاهرة والناس، قال وزير الخارجية المصري، سامح شكري إن قرار تركيا بمنع المصريين الهاربين من القانون من الإخوان المسلمين من الظهور الإعلامي واستخدام السوشيال ميديا، يعتبر خطوة إيجابية في إتجاه تحسين العلاقات ما بين الدولتين، مصر وتركيا.
وأكد وزير الخارجية المصري في المكالمة إن السياسة الجديدة اللي تركيا بتطبقها في التعامل مع الخارجين عن القانون من الهاربين تعتبر بداية في إتساق سياسات تركيا مع السياسات الدولية اللي بتساعد في إتساق العلاقات ما بين الدول.
وقال إن السياسات الجديدة في تركيا هتساعد في تطبيع العلاقات ما بين البلدين مرة تانية، وإن مصر سعيدة باستعادة التطبيع مع تركيا من جديد.
وكانت شبكة العربية أكدت إن الهارب ابراهيم منير، القائم بأعمال المرشد العام لجماعة الإخوان المسلمين والأمين العام للتنظيم الدولي للجماعة، والمتحدث باسم الإخوان المسلمين بأوروبا، قام بحل مكتب قيادة الإخوان المسلمين في تركيا وحل مكتب الشورة بتاع الجماعة في تركيا، وكمان أجل انتخابات الجماعة اللي كان المفروض تحصل في يوليو ده.
تركيا تسعى لاستعادة العلاقات مع مصر ودول الخليج
وكانت تركيا أعلنت في مارس اللي فات عن رغبتها في استعادة العلاقات الدبلوماسية مع مصر مرة تانية.
وبعد ما كانت تركيا اتعرضت لنبذ دولي بسبب السياسات الخارجية، بدأت تركيا تسعى لاستعادة العلاقات الطيبة مع مصر من خلال المتحدث الرسمي باسم الرئاسة التركية محمد تركي أردوغان لشبكة بلومبيرغ الأمريكية التلفزيونية إن تركيا مستعدة ترجع العلاقات مرة تانية مع مصر وبعض الدول الخليجية.
وكانت العلاقات المصرية التركية باظت بعد 2013 لما أردوغان انتقد انتفاضة 30 يونيو اللي شالت الرئيس المصري السابق محمد مرسي، التابع لجماعة الإخوان المسلمين. وعلاقات تركيا مع دول عربية تاني كانت اتوقفت نتيجة دعم تركيا لبعض الجماعات الإرهابية والأفراد العرب الهاربين من القانون وكمان بسبب تدخل تركيا في العلاقات الداخلية لبعض الدول زيّ ليبيا.