#ورا_السيما: مقابلتنا مع الكاتب هاني سرحان مؤلف الاختيار 2 بيحكي لنا عن أهم مسلسل في رمضان 2021

مسلسل قلب الدنيا في رمضان اللي فات واللي قبله كمان، لما شوفنا أمير كراراة بيجسد شخصية أحمد المنسي، واللي خلانا كلنا متأثرين ومشدودين للمسلسل بزيادة، ولكن كمان في السنة اللي بعدها في 2021، شوفنا الجزء التاني منه، اللي بيحكي بطولات كتير لأبطال مجهولة فدت البلد بروحها، في وقت يعتبر من أصعب الأوقات اللي مرت بيها مصر على مدار تاريخها، وهي بينتشر فيها سم بيدمر البلد من جوا وبرا، بيدمر المجتمع نفسه بطرق كتير، أبطال مصر اللي شوفناهم في الاختيار 2 “رجال الظل”، أبطال حقيقيين مش من خيال الكاتب هاني سرحان، كنا عايزين نعرف أكتر عن كواليس مسلسل يعتبر من أهم الأعمال الدرامية اللي اتقدمت في الدراما المصرية بتاريخها، وعايزين نعرف عن حكايات شوفناها في المسلسل وحكايات أكتر ماتمش ذكرها كمان.

قابلنا مؤلف مسلسل الاختيار 2 الكاتب هاني سرحان، واتكلمنا معاه عن التحضير لعمل فني مهم وواقعي زيّ ده، وازاي طلعت الأحداث في المسلسل حقيقية وقابل فيها أسر الشهداء اللي كانوا شخصيات في المسلسل، وازاي قدر يبين الجزء اللي مش معروف من حياتهم، علشان نخلد ذكراهم للأبد.

يوسف الرفاعي هيطلع خاين؟ أكتر سؤال اتسأله هاني سرحان طول رمضان، والنا س كلها على السوشيال ميديا كانت بتتكلم على الموضوع ده تقريبًا كل يوم بعد عرض كل حلقة، وهل شخصية زكريا وشخصية يوسف حقيقيين 100%؟ ازاي المسلسل قدم دراما إيجابية كتير في تفاصيله حتى بعيدًا عن الأحداث الرئيسية البوليسية، زيّ التربية الإيجابية وعلاقات الحب والرومانسية زيّ علاقة يوسف وعلوة، وزكريا ونادية، حقايق كتير بيكشفها هاني سرحان في مقابلتنا معاه.. اعرفوها كلها.

آخر كلمة: ماتفوتوش قراءة: أحلى دويتوهات الدراما اللي شوفناهم في مسلسلات رمضان 2021

تعليقات
Loading...