تواجد الفنان العالمي الإسكتلندي جيرارد باتلر في مصر خلال الأيام اللي فاتت في أجازة مع صديقته مورجان براون جذب أنظار كل المصريين.
وظهر باتلر في فيديو على صفحته على الانستجرام بيغني مع بعض المصريين أغنية “مصر بلدنا بلد سواح” وكان من الواضح إنه مبسوط جدًا مع صديقته براون.
ونشر كتير من المعجبين اللي حالفهم الحظ إنهم يقابلوا جيرارد باتلر في أماكن مختلفة في مصر خلال الأيام اللي فاتت، صورهم معاه على السوشيال ميديا، وكان من الواضح في الصور إن باتلر سعيد وهو بيقابل المعجبين بتوعه في كل مكان بيروحه في مصر.
وظهر جيرارد باتلر في الصور وهو بيستجم في فندق كتاراكت المشهور في أسوان، واللي تعتبر واحدة من الوجهات اللي قضى فيها الممثل الإسكتلندي أجازته، وقبل ما ينزل أسوان كان قضى باتلر بعض الوقت في القاهرة والأقصر.
وعلى حسب كلام الكاتب الصحفي أحمد أبو اليزيد، فإن جيرارد باتلر ساب مصر هو وصديقته الممثلة مورجان براون بالفعل بعد ما قضى أجازة طويلة ما بين الأقصر وأسوان والقاهرة، وقضى رحلة نيلية استمتع بها جدًا.
وقال أبو اليزيد إن جيرارد باتلر وصل مصر في فجر يوم 11 فبراير وأقام في فندق “الرياض” في المعز في القاهرة واتمشى في خان الخليلي وزار الأهرامات.
ومن الجدير بالذكر إن باتلر قدم فيلم عن مصر بعنوان Gods of Egypt في 2016، وبتدور أحداثه حول قصة الإله “سيت”، وعمل باتلر دور إله العالم السفلي، واللي بيستولى على العرش من الملك السابق للإمبراطورية المصرية وينشر الرعب في جميع أنحاء الأرض.
والصور الكتير المنتشرة على السوشيال ميديا لجيرارد باتلر مع المعجبين بتوعه من مصر بتوضح فد إيه الفنان الإسكتلندي معروف ومحبوب ما بين متابعين السينما العالمية في مصر.