الشوارع المصرية مليانة بالحيوانات المشردة، خصوصًا القطط والكلاب، وده بيخليهم عرضه للحوادث، والعنف، والتعذيب. ومع انتشار فيروس كورونا، وانتشار حالة الرعب من انتقال العدوى عن طريق الحيوانات، زادت حالات الاعتداء على الحيوانات الأليفة والمشردة بسبب خوف الناس من انتقال الفيروس، وشوفنا حالات كتيرة لأشخاص تخلوا عن حيواناتهم، وفي كمان رموهم في الشارع بدون أي دليل علمي بيأكد صحة الشكوك دي.
حقوق الحيوان مذكورة في مُختلف الأديان، والعنف ضدهم جريمة بيعاقب عليها الدستور المصري، فمثلاً المادة 355 من قانون العقوبات المصري بتنص على “معاقبة كل من قتل عمداً بدون مقتضى حيوانًا من دواب الركوب أو الجر أو الحمل أو من أي نوع من أنواع المواشي أو أضر به ضررًا كبيرًا، بالحبس مع الشغل”.
وبتحرص دايماً المنظمات المصرية لحماية الحيوان علي إنقاذ أكبر عدد ممكن من الحيوانات، وبتهتم كمان بنشر الوعي من خلال السوشيال ميديا عن فظاعة حالات التعذيب اللي بتمر بيه الحيوانات كل يوم في الشارع، ومن أشهر المنظمات المصرية، والملاجئ الخاصة بالحيوانات:
- Animal Protection Foundation – مؤسسة حماية الحيوان، وتقدروا توصلولها من هنا.
- الجامعية المصرية لإنقاذ الحيوان – CART، وتقدروا توصلولها من هنا.
- HOPE – Egyptian Baladi Rescue & Rehabilitation هوب لإنقاذ وإعادة تأهيل الحيوانات الضالة، وتقدروا تتواصلوا معاهم من هنا.
- الجمعية المصرية لحماية حقوق الحيوان – SPARE، وتقدروا توصلولهم من هنا.
- الجمعية المصرية للرحمة بالحيوان – ESMA، وتقدروا توصلولهم من هنا.
- Furever Rescue Foster، وتقدروا توصلولهم من هنا.
وبالإضافة للجمعيات الخيرية، والمبادرات اللي بيقوم بيها مُحبي الحيوانات في مصر لإنقاذهم ومنع الأذى عنهم، بيساهم كمان كتير من المشاهير المصريين في زيادة الوعي بحقوق الحيوان في البلد عن طريق استخدام منصاتهم على السوشيال ميديا في نشر ثقافة حب الحيوانات والرحمة بيهم، ومن ضمنهم: