مسافر المكسيك؟ ده دليلك للمطاعم اللي بتقدم وجبات حلال بمدينة تولوم

أثناء التخطيط للسفر، دايمًا من أوائل العقبات اللي كتير من الناس بتفكر فيها، هي الـrestrictions اللي هتكون موجودة في اختياراتنا للأكل، بسبب قلة أو ندرة الأماكن اللي بتوفر أكل حلال في المطاعم والكافيهات. ولكن لو خطط سفرك بتتضمن الذهاب للمكسيك، يبقى نقدر نبشرك إنك مش هتواجه المشكلة دي. ببساطة، لإن مدينة تولوم في المكسيك عندهم أفضل المطاعم اللي بتقدم أكل حلال، وفي منهم كمان اللي بيقدم أكلات عربية!

باشا تولوم داون تاون

المطعم تركي بياخد الزوار في رحلة للشرق الأوسط بنكهات فريدة وكمان بيهتموا بالتفاصيل التانية علشان تعيش التجربة الكاملة وتحس إنك في بيتك. الأكل اللي بيتقدم بيكون فيه وجبات حلال وكمان بيوفر اختيارات خالية من الغلوتين والوجبات اللي تناسب النباتيين. وممكن بقى تحبس بقهوة تركي حقيقية من عندهم! لتفاصيل أكتر عن المنيو والأكل، تقدر تزور موقعهم على الفيسبوك.

بقدونس

مطعم لبناني بيقدم كل الأطباق اللبنانية الشهيرة وكلها طبعًا حلال. الحمص والفلافل على وجه الخصوص من الأكلات هناك اللي بيشيد بيها الزوار، وكمان علقوا على الخدمة المميزة داخل المطعم. فلو ليك في الأكل اللبناني وعايز تاكل لحمة وأنت مطمن، يبقى لازم تزور المطعم ده.

Tika CurryNGrill

المطعم بيقدم أكل هندي وماعندهوش أكل حلال بالمعنى الحرفي للكلمة لكن عنده كتير من الأكل النباتي أو الـ vegetarian وبالتالي هيكون حلال. علشان كده هتقدر تختار من الخيارات الكتير النباتية اللي عندهم وطواجن الفراخ المتبلة والمختلفة، وكمان هتستمتع بمكملات وسلطات الأكل الهندي. علشان تعرف أكتر عن المنيو بتاعة المكان والأكل اللي بيقدموه، تقدر تدخل على الموقع بتاعهم.

فلافليز

فلافيلز هو عربية صغيرة أو food truck موجودة في تولوم بالمكسيك وبيقدم وجبات نباتية ومعظمها أكل فطار زيّ سندوتشات الفلافل والبطاطس.

آخر كلمة: ماتفوتوش قراءة: ” زهقت من الأكل التقليدي؟ دي وصفات مختلفة للتوست تتاكل على الفطار

تعليقات
Loading...