محمية وادي الموجب اللي تعتبر من أهم الوجهات السياحية الأردنية، فهي بتجذب سياح كتير من كل مكان في العالم لوفرة أنشطة كتيرة وممتعة فيها لمحبي المغامرة بالذات زيّ تسلق الجبال، وركوب الدراجات، والغطس والسباحة في مياه الأودية، والاستمتاع في هدوء وسلام بالطبيعة الساحرة ومناظرها الخلابة، وكمان صنفتها منظمة اليونسكو من ضمن قائمة أكبر محميات العالم.
وهو ليه أهمية تاريخية وجغرافية، فهو مذكور في العهد القديم باسم “نهر أرنون”، والوادي موجود فيه آثار مهمة من حضارات قديمة زيّ النبطية والرومانية، وكمان فيه حيوانات برية زيّ المعيز الجبلي والغزال الجبلي والذئب والوبر والضبع المخططة والقطط البرية وكمان أنواع طيور كتيرة منها المحلية والمهاجرة.
وادي الموجب بيقع على بعد حوالي ٩٠ كم من مدينة عُمان، وعلى بعد حوالي ٣٢ كم شمال مدينة الكرك، وانحدار الوادي شديد أوي، فعمقه ٥٠٠ متر تقريبًا، وبينحدر من الجنوب ٩ كم، واتسمى موجب من العرب من كلمة “وجب”، يعني حاجة وقعت وعملت ضجة كبيرة، وده بيدل على قد إيه انحداره شديد، فمياهه بتنحدر بقوة وبتعمل ضجة، ففرق الارتفاع بين بدايته ونهايته أكتر من ١٣٠٠ متر.
عن: دليل المسافر العربي ![]()
عن: الغد
وفي ناس كتير بتقول إن المكان ده مرعب، ولكنهم بيشهدوا بجمال طبيعته وروعتها، فصخوره فيها تشكيلات من الألوان الوردية والبنية اتشكلت من مياه الشلالات.