اليوم العالمي لمناهضة العنف ضد المرأة: مجموعة من الإحصائيات بتبين حجم المشكلة..

العنف ضد المرأة بياخد حيز كبير من قضايا المجتمع على اختلاف نوعه سواء التعنيف الجسدي والتعذيب أو العنف النفسي واللفظي، والنهارده بيحتفل العالم باليوم العالمي لمناهضة العنف ضد المرأة تحت شعار “لوّن العالم برتقاليًا”، وفي الأمم المتحدة قرروا إنهم يعملوا حملة الـ16 يوم واللي بتبدأ من يوم 25 نوفمبر لحد يوم 10 ديسمبر، وهو نفس اليوم اللي بيوافق اليوم العالمي لحقوق الإنسان، وبيبقى فيها أكتر من فاعلية منها إضاءة المباني والمعالم الشهيرة باللون البرتقالي علشان يفكروا العالم إننا في حاجة لمستقبل خالي من أي عنف.

إحصائيات مخيفة عن العنف اللي بتتعرض له الستات

  • حسب موقع الأمم المتحدة 92% من الستات والبنات في مصر بين الـ15 والـ49 اتعرضوا للختان، أما بالنسبة للعنف المنزلي فهنلاقي إن ست واحدة من كلّ 4 في مصر بيتم تعنيفهن من قبل أزواجهم وفق التقرير الأخير مركز المصري لحقوق المرأة، وإحصائية تانية بتقول  إن بتوصل سنويًا أكثر من 200 ألف ست! وده وفقًا للمركز المصري لحقوق المرأة، وارتفاع عدد الحالات دي جه بالتزامن مع المشاكل السياسية التي شهدتها مصر في الآونة الأخيرة.
  • أكدت وسائل إعلام أردنية إن سنة 2016 شهد ارتفاع ملحوظ في جرائم العنف ضد النساء في الأردن، بمعدل 14 جريمة سنوياً بداعي “الشرف”، وفي سنة 2016 سجلت السلطات ارتفاع في أعداد حالات الاغتصاب، إنه يتم اغتصاب نحو سيدتين في كل 100 ألف سيدة، وفقا لمكتب الأمم المتحدة المعني بالمخدرات والجرائم.
  • أما الوضع في العراق بحسب أرقام المديرية العامة لمكافحة العنف ضد النساء، فبمقارنة مستويات العنف في الفترة بين 2010 – 2015، فإن التعامل العنيف ارتفع بنسبة 21.9%، لكن بمقارنة معدل العنف ضد المرأة في 2010 مع نسبته في عام 2015، فإن معدل العنف زاد بنسبة 62.9%. وعلى مستوى قتل الستات والبنات لنفسهم فالموضوع أكتر رعب وبشاعة فهنلاقي إن اتسجل أكبر عدد لحالات قتل النساء السنة اللي فاتت، قتلت أكتر من 55 ست نفسها وسنة 2015 كانت أكبر نسبة انتحار وفي سنة 2010 كانت أكبر نسبة حرق للستات بمعدل 142 حالة، وسنة 2014 شهدت أكبر حالات من التعذيب ورفع الشكاوي لـ6673.

العنف اللي بتتعرض له المرأة مش مقتصر على الدول العربية بس، ولكن في إحصائيات شملت دول العالم كله، وأرقام كشفت عن استغلال المرأة وتعذيبها جسديًا ونفسيًا, فبيأكد موقع هيئة الأمم المتحدة للمرأة إن 1 من 3 نساء في العالم اتعرضوا لعنف جسدي أو جنسي على الأقلّ لمرة في حياتهم، وأكتر من 200 مليون بنت حول العالم اتعرضوا قبل بلوغهم الـ5 سنين لتشويه للأعضاء التناسلية أو الختان، أما 30% من الستات اتعرضوا لعنف من الأزواج، ده غير إن الستات والبنات بيشكلوا نسبة كبيرة بتوصل لـ70% من ضحايا الاتجار بالبشر،  وإن 6 من كل 10 ستات معنفات، ومابيقولوش لأي جهة إنهم بيتعرضوا للعنف.

أخر كلمة: ماتفوتوش قراءة: علشان ماحدش يمشي كلمة عليكي: ليه كل ست في مصر لازم تكون مستقلة ماديًا؟

تعليقات
Loading...