في عيد ميلاد موسيقار الأجيال محمد عبدالوهاب، المتحف الخاص بيه بيحتفل مع جمهوره ومحبيه بفتح الزيارة مجانًا من امبارح ولحد يوم الخميس، علشان كل محبي الفن والموسيقى الفريدة من نوعها اللي قدمها الأستاذ وسابها كتراث لأجيال مش هتنتهي، علشان كمان يقدروا يشوفوا مقتنياته والعود المميز الخاص بيه وكل حاجة تخصه، هتحسوا إنكم في جولة معاه، تعالوا نعرف إيه اللي ممكن نشوفه في متحف الموسيقار عبدالوهاب.
المتحف موجود في شارع رمسيس، قريب من محطة مترو جمال عبدالناصر، ومواعيده بتكون من الساعة 10 الصبح لحد الساعة 3 العصر.
بين مقتنياته ومذكراته، والأوسمة اللي خدها طول مسيرته من كل البلاد اللي قدّرت فنه وقيمته، وصوره، وكمان فيلم قصير عنه تقدر تشوفه في قاعة بتوفر العرض على شاشات وسماعات، كل ده تقدر تتعرف عليه في زيارتك لمتحف موسيقار الأجيال.
![]()
عن: صحيفة الجزيرة 
عن: بوابة الأهرام
أما الأفلام اللي شارك فيها في السينما المصرية، مع إن عددها مش كبير، لكنه لقى قبول كبير عند المشاهدين في ظهوره السينمائي رغم إنها أفلام قديمة جدًا، وتقدر تشوف لمحة عن مشواره السينمائي في لوحة مجمعة موجودة في المتحف.
بتوثيق لأهم محطات في مشواره، ماينفعش ننسى صور للعود المشهور بيه موسيقار الأجيال.
