في الأفراح العربية وخاصة المصرية، هتلاقي دايمًا في كتالوج العائلات ماشية بيه، مش بيقولوه لبعض بس بديهيًا بيبقى معروف بينهم، فقرات بتتكرر وإن اختلفت طريقة التنفيذ، فقرات مش بيقوم الفرح إلا بيها أو بمعنى تاني هي عمود أساسي له.
يلا بينا على الاستيدج
أصحاب العروسه يتفضلوا معانا على الاستيدج😂😂
#hsnPosted by كل يوم جديد on Friday, November 23, 2018
ودي بتنقسم لرقصة العريس والعروسة في الأول الرقصة الافتتاحية وفي الغالب العريس بيغني فيها بغض النظر عن طبقات صوته، وبعدين كله بيبدأ يخش في الموضوع إجبار مش اختيار، أصل فقرة الرقص دي المعازيم بيبقوا مجهزينها من قبل ما العروسة تفكر إنها تتجوز أصلًا، ومن أهمها رقصة صحاب العريس والعروسة اللي عايزين يوجبوا برقصة أو أغنية بعد نداء عاجل من مسؤول الدي جي “صحاب العريس والعروسة يتفضلوا معانا”.
عواجيز الفرح
@nilly_w_shrehan كل فرح فيه عواجيز الفرح #نيللي_و_شريهان #كوميديا #كوم #عواجيز_الفرح #عواجيز_التيك_توك #ضحك #funny #funnyvideo #funnymemevideos #comedia #comdey #fypシ #fyp #fypシ゚viral
في أي فرح لازم تلاقي مجموعة من الناس اللي بيقال عليهم “عواجيز الفرح” مش شرط يكونوا ناس كبيرة في السن بس اللقب ده كناية على اللي بيعملوه اليوم ده، بياخدوا لهم ركن كده بعيد هادي وينزلوا تقطيع في فروة العريس لو هما من أهل العروسة، أو فروة العريس لو هما من أهل العروسة، أو لا دول ولا دول ويبقوا فئة جايين في أي نماية.
خناقة على الماشي
@alnahareg اشهر خناقات القرايب في الافراح المصرية😂 #البلاتوه #البلاتوه_أحمد_أمين #الافراح #الافراح_في_مصر
ودي بتختلف أهدافها ونتائجها، ممكن تبقى خناقة مع العريس لمسؤولين الفرح علشان التورتة ماكفتش والمسؤول يتخانق علشان العدد اللي جيه كان أكتر من المتفق عليه، أو بين العريس والعروسة علشان سلم على خالتها من غير نفس، أو مثلًا علشان بنت خالتها مارقصتش بضمير ووجبت معاها في الفرح.
كيف تصطادين عريسًا
ودي فكرة وحيلة فرعونية أصيلة بتتكرر بمرور الأجيال وشوفناها في مسلسل عايزة اتجوز لما أمها سهير كانت عايزاها تطلع بعريس بأي طريقة، تزقها على البوفيه وماله تطلع ترقص مع العروسة وهي ماتعرفهاش أصلًا، أول تفضل رايحة جاية بدون أي سبب.
فقرة الذكريات
ودي أساسية في كل فرح لازم يبقى في شاشة كده بيتعرض عليها تاريخ العروسين، الفرح كله بيقف علشان يشوفوا الفيديو اللي في الغالب بيتضمن فضايح هما مش بيبقوا عايزين يعرضوها أصلًا، وده طبعًا لازم ولا بد يتم على أغنية غمض عينك واحلم معايا.
آخر كلمة: ماتفوتوش قراءة: للقراءة السريعة: اختيارنا لنصوص متفرقة من أعمال أدبية